Prokýratýra 480 aqmolalyqtyń jalaqysyn alýǵa kómektesti

KÓKShETAÝ. QazAqparat - Aqmola oblysy Zerendi aýdany prokýratýrasy 480 qyzmetkerdiń 63 mıllıon teńgeden astam somaǵa bereshek jalaqysyn alýyna kómektesti, dep habarlaıdy QazAqparat tilshisi Aqmola oblysynyń prokýratýrasyna silteme jasap.

«Eńbek zańnamasynyń saqtalýyn taldaý nátıjeleri boıynsha Aqmola oblysy Zerendi aýdany prokýratýrasynyń qadaǵalaý sharalarymen «Zerendi-Astyq», «Azat Elevatory» JShS jáne «Zerendi-Servıs» ShJQ MKK 480 qyzmetkerge 63 mıllıon teńgeden astam somaǵa bereshekterin ótedi», dep aıtty vedomstvodan.

Óńir prokýratýrasynyń málimetinshe, azamattardyń eńbek quqyqtaryn buzǵany úshin barlyq úsh jumys berýshi jalpy somasy 500 myń teńgege aıyppul túrinde ákimshilik jaýapkershilikke tartyldy.