Prokýratýra 2005-2007 jyldary Memturǵyn úı baǵdarlamasynyń 32 qatysýshysyna qatysty shyqqan oń sheshimniń zańdylyǵyna kúmán keltirýde

Bul týraly óziniń jeke blogynda turǵyndardan kelip túsken suraqtarǵa jaýap bergen Astana qalasynyń ákimi Imanǵalı Tasmaǵambetov málim etken.

«Qurmetti, Imanǵalı Nurǵalıuly, buǵan deıin jarııalanǵan málimetterge sáıkes, №5-shi turǵyn úı kesheninde 640 páter bar. Astana qalasynyń resmı saıtynda olardyń 608-i ǵana úlestirilgenin kórdik. Qalǵan 32 páter qaıda ketti? Páterlerin saryla tosyp júrgen 2005-2007 jyldarǵy Memlekettik turǵyn úı baǵdarlamasyna qatysýshylar Sizden anyq jaýap tosady». 2005-2007 jyldarǵy baǵdarlama boıynsha Astana qalasynda salynǵan turǵyn úı kesheninde páterlerdiń tolyq sany nelikten úlestirilmegendigin bilgisi kelgen azamattardan osyndaı mátindi hattar qala ákiminiń jeke blogyna kóptep tústi.

Hattardyń avtorlaryna elorda basshysynyń bergen jaýaby kelesideı boldy: «№5-shi turǵyn úı keshenindegi 608 páterdiń barlyǵy 2005-2007 jyldarǵy Memlekettik turǵyn úı baǵdarlamasyna qatysýshylar arasynda bólindi. Biraq, atalmysh baǵdarlamaǵa qatysýshy 32 azamatqa qatysty turǵyn úı komıssııasy shyǵarǵan oń sheshimderdiń zańdylyǵy tekseris júrgizgen prokýratýra qyzmetkerlerinde kúmán týdyrdy. Qazirgi ýaqytta árbir atalmysh is boıynsha qosymsha aqparattar jınaqtalý ústinde. Solar arqyly baǵdarlamaǵa qatysýshylar páterlerdi alýǵa quqyqtaryn ne rastaıdy, ne olar kúshin joıady», - dedi.

Tekserýler áli de jalǵasýda, al hattardyń avtorlary sanyna jete almaı qalǵan 32 páter, ákim aıtyp ótken azamattardyń atynda tirkelip tur.

«Eger de olar baspanalardy alýǵa quqyqtaryn rastaı almasa, turǵyn úı komıssııasy rezervtegi páterlerdi ózge qatysýshylar arasynda úlestiretin bolady», - dep túıindegen ákim.