Prokýratýra 20 myńnan astam jumysshynyń quqyǵyn qorǵap, jalaqy boıynsha 1 mlrd. teńgeden astam qaryzdar óteldi

Bul týraly búgin QR Bas prokýratýrasynda Zańdylyqty qamtamasyz etý máseleleri jónindegi Qoǵamdyq keńestiń otyrysy barysynda málim boldy.

Qoǵamdyq keńestiń otyrysy barysynda kólik salasyndaǵy zańdylyqty qamtamasyz etý máseleleri de talqylanǵan bolatyn. Jıynda keltirilgen málimetterge qaraǵanda, kólik salasynda birqatar obektilerdiń jumysyn uıymdastyrý, jolaýshylardyń qaýipsizdigin jáne quqyǵyn qamtamasyz etý máselelerinde kóptegen zań buzýshylyqtar oryn alyp otyr. Bul rette eldiń kólik qaýipsizdigin qorǵaý prokýratýranyń strategııalyq mindeti bolyp tabylady. Sondyqtan da, prokýratýra organdary júrgizgen tekserýler nátıjesinde aǵymdaǵy jyl basynan beri júzden astam lokomotıvterdi, 1 myń 700 jolaýshy jáne júk vagondaryn, 130 dana arnaıy qozǵalys quramdaryn paıdalaný toqtatylǵan. Budan bólek, prokýrorlardyń kúsh-jigeriniń arqasynda 20 myńnan astam jumysshynyń eńbek quqyqtary qorǵalyp, 1 mlrd. teńgeden astam soma jalaqy qaryzdary boıynsha ótelgen.

Jıynǵa qatysýshylar saladaǵy halyqaralyq talaptarǵa saı kóliktegi qaýipsizdikti qamtamasyz etýdiń Keshendi baǵdarlamasyn qabyldaýdyń maqsatqa saı kelýin talqylady.