Prokasheva konkımen júgirý sporty boıynsha Qazaqstan quramasyn basqarady
ASTANA. QazAqparat - 2017/2018 maýsymyndaǵy ortalyqtandyrylǵan daıyndyq úshin konkımen júgirý sporty boıynsha Qazaqstan quramasynyń quramy belgili boldy, dep habarlaıdy sports.kz .
Olımpıada maýsymynda ulttyq shtattyq komandaǵa 1998 jylǵy Olımpıada oıyndarynyń qola júldegeri Lıýdmıla Prokasheva basshylyq etedi. Vadım Saıýtın ótken maýsymdaǵydaı bapker-keńesshi retinde jumys isteıdi. Reseılik maman bul komandamen 2010 jyldan beri jumys jasap keledi.
Shtattyq komandanyń quramyna: Fedor Mezentsev, Stanıslav Palkın, Artem Krıkýnov, Dmıtrıı Morozov, Aleksandr Klenko, Ivan Arjannıkov, Darsıl Essamambo kirdi.
Olımpıada lıtsenzııalaryn alýǵa nıetti sportshylarmen jeke kelisimshart jasaldy: Dmıtrıı Babenko, Denıs Kýzın, Ekaterına Aıdova men ótken maýsymnyń qorytyndysy boıynsha ulttyq reıtıngte kósh bastaǵan Roman Krech.
Eske salaıyq, petropavldyq konkımen júgirýshiler 2016/2017 maýsymynda álem kýbogy kezeńinde jeńiske jetip, 500 m qashyqtyqta ulttyq rekord jasady.
