«Progress» júk kemesi Halyqaralyq ǵarysh stansysyna attandy
ASTANA. Sáýirdiń 29-y. QazAqparat - Sársenbi kúni keshke Baıqońyr ǵarysh aılaǵynan Halyqaralyq ǵarysh stansysyna «Progress» júk kemesi attandy.
Bul týraly Ushý saparlaryn basqarý ortalyǵyna silteme jasap ITAR-TASS agenttigi habarlady.
Máskeý ýaqyty boıynsha saǵat 21.15-te birinshi, Gagarın alańynan 2,5 tonnadan astam júk tıelgen «Progress M-05M» júk kemesimen «Soıýz-Ý» zymyrantasymaldaǵyshy ushyryldy.
Úsh táýlikten keıin keme orbıtadaǵy ekıpajǵa azyq-túlik, sý, otyn, halyqaralyq ǵarysh stansysyna arnalǵan jabdyqtar jáne ǵaryshkerlerdiń týǵan-týystarynyń sálem-saýhattaryn jetkizedi. Sondaı-aq, keme bortynda «Kaskad» bıotehnologııalyq tájirıbesin júrgizýge arnalǵan bıoreaktor men sýspenzııa konteıneri, reseılik «Matreshka-R» shar fantomyna arnalǵan detektorlarǵa, sondaı-aq mamyr aıynda orbıtaǵa «Atlantıs» shattly jetkizetin reseılik MIM-1 modýlin qurastyrýǵa arnalǵan aspaptar «keısi» bar.
