«Progress M-26M» «ǵarysh kemeleriniń qorymyna» tastalady

ASTANA. QazAqparat - Halyqaralyq ǵarysh stansasynyń quramynda tıisti ýaqyt jumys istegen «Progress M-26M» kemesi stansadan ajyratylyp, orbıtadan shyǵarylyp, Tynyq muhıtynyń keme júrmeıtin aýdanynda sýǵa batyrylady, dep habarlady reseılik Ushýlardy basqarý ortalyǵynyń ókili.

«Qyzmetin ótegen jabdyqtar jáne ekıpajdyń ómir tirshiliginiń qaldyqtary tıelgen keme HǴS-dan jergilikti ýaqyt boıynsha saǵat 13:18-de ajyratylady. Saǵat 16:28-de qozǵaltqyshtary tejelip, odan keıin «Progress» Jer atmosferasynyń tyǵyz qabattaryna kiredi. Ǵarysh kemesiniń órtelmegen bólikterin Tynyq muhıtyndaǵy keme júrmeıtin aýdandaǵy sýǵa túsirý saǵat 17:17-de júrgiziledi», - dep habarlady RIA Novostı agenttigine UBO-nan.

Baıqońyrdan 17 aqpan kúni ushyrylǵan «Progress M-26M» júk kemesi buǵan deıin HǴS ekıpajyna otyn, ottegi, azyq-túlik, ǵylymı tájirıbelerge arnalǵan apparatýra jáne ǵaryshkerler men astronavttar úshin sálem-saýqattar jetkizgen.