Progress M-21 ǵarysh júk kemesiniń qaldyqtary Tynyq muhıtyna batyp ketti

BAIQOŃYR. QazAqparat – «Progress MS-21» júk kemesi keshe, 18 aqpanda Halyqaralyq ǵarysh stantsııasynan (HǴS) ajyrap, birden orbıtadan shyǵýy kerek edi. Biraq, bul tek bir táýlikten keıin júzege asty, dep habarlaıdy QazAqparat tilshisi.

Ǵaryshtyq júk kóliginiń HǴS-tan ajyraýy jáne korpýsyndaǵy zaqymdanǵan jerin anyqtaý úshin keri burylǵan sáti tikeleı efırden kórsetildi.

Keıin belgili bolǵandaı, kemeniń syrtqy betin túsirgennen keıin esh jeri zyqamdanbaǵany anyqtaldy. Sondyqtan, alynǵan aqparatty taldaý úshin «Progress-MS-21» kemesin orbıtadan shyǵarýdy keıinge qaldyrý týraly sheshim qabyldanǵan.

Búgin, 19 aqpanda «Progress MS-21» orbıtadan shyǵyp, atmosferaǵa enip, buzyldy. «Roskosmostyń» baspasóz qyzmeti málim etkendeı, janbaı qalǵan elementteri Tynyq muhıtynyń ońtústigindegi keme júrmeıtin aımaqqa qulaǵan.

«Progress MS-21» júk kóligi Baıqońyrdan 2022 jyldyń 26 qazanynda ushyrylyp, onyń quramynda 3,5 aı boldy.

Ǵaryshtyq júk kóliginiń mıssııasy aıaqtalǵannan keıin HǴS reseılik segmenti «Іzdeý» modýliniń qondyrý toraby bosady jáne «Soıýz MS-23» kemesin kútedi.