«Progress» apatynan keıin Altaı turǵyndary densaýlyǵyna shaǵymdanýda
ASTANA. 26 tamyz. QazAqparat - Altaıda «Progress» ǵarysh júk kemesiniń apatynan keıin densaýlyǵynyń nasharlaýyna baılanysty 10 adam dárigerge júgingen,
dep habarlaıdy VVS orys qyzmeti.
Dárigerlerdiń aıtýynsha, olardyń birazy qan qysymynyń joǵarylyǵyna baılanysty tirkeýde turǵan kórinedi, alaıda, aqparatqa sáıkes, elder tek qan qysymyna ǵana emes, bastyń aınalýy men tamaq qyrylyna da shaǵym bildirgen.
«Naýqastardyń bári densaýlyqtarynyń aımaqqa keme bólshekteriniń túsýine baılanysty nasharlap ketkenine senimdi», - dep túsindirdi jergilikti aýrýhana dárigeri.
Adam densaýlyǵyna keme bortynda bolǵan geptıl joǵary oktandy ǵarysh otyny qaýip tóndirýi múmkin. Boljam boıynsha, «Progrestiń» jerge qulaǵan sátinde onyń bagynda bir jarym tonnadan astam atalmysh ýly zat bolǵan. Alaıda arnaıy zertteý jumystaryn júrgizgen mamandar Qarakókshe (Choı aýdany) aýylynyń mańyndaǵy topyraq pen Bııa ózeni sýynan synaq alyp, onyń quramynan geptıl zatyn tappaǵan, dep habarlaıdy RBK.
