Profıboksshy Nurzat Sabyrov kanadalyq promoýtermen kelisimshartty úzdi
⠀
«Le Journal de Quebec»-ke promoýterlik kompanııanyń vıtse-prezıdenti Kamıl Estefan málim etkendeı, N.Sabyrov reseılik boksshylar Artýr Zııatdınov pen Andranık Grıgorıanmen birge promoýshnmen kelisimsharttan bosatyldy. Sharttyń buzylý sebebi naqtylanǵan joq.
Ekinshi orta salmaqtaǵy qazaqstandyq boksshy profıdegi alǵashqy aıqasyn 2017 jyly bastady jáne barlyq jekpe-jegin Kanadada ótkizdi. Ol sońǵy ret rıngke bıylǵy 21 aqpanda shyqty. Rımýske qalasynda ótken kezdesýde N.Sabyrov tóreshilerdiń biraýyzdy sheshimimen meksıkalyq Rıkardo Lýna Floresti (22-8-1, 14KO) jeńdi.
Aıta keteıik, «Eye of the Tiger Management» promoýterlik kompanııasymen sondaı-aq, qazaqstandyq Sadrıddın Ahmetov (11-0, 10KO) pen Batyr Júkembaev (18-0, 14KO) jumys isteıdi. Al Abylaıhan Júsipov (11-0, 8KO) kompanııamen kelisimshartyn 2018 jyly úzgen bolatyn.