Professorlyq oqytýshylar quramynyń eń tómengi jalaqysy qansha
«Qazirgi kezde joǵary jáne joǵary oqý ornynan keıingi bilim berý uıymdaryna (JJOKBU) dırektorlar keńesiniń sheshimimen paıdany zerthanalyq bazany jaraqtandyrýǵa, JJOKBU-nyń ınfraqurylymyn damytýǵa, sondaı-aq professorlyq-oqytýshylyq qurmanyń (OPQ) jalaqysyn arttyrý máselesin qaraýǵa bólý quqyǵy berilgen. Osylaısha, OPQ-nyń jalaqysyn arttyrý máselesi JJOKBU-nyń quzyretine kiredi. OPQ jalaqysyna qatysty júrgizilgen saraptamalyq saýalnama JJOKBU oqytýshylarynyń kópshiliginiń pikiri oqytýshylar quramynyń barlyq sanattary úshin eń tómengi jalaqyny belgileý qajettigin kórsetti», - dep jazylǵan Eraly Toǵjanovtyń jaýabynda.
Onyń aıtýynsha, Bilim jáne ǵylym mınıstrligi joǵary jáne joǵary oqý ornynan keıingi bilim berý uıymdarymen birlesip, OPQ jalaqysyn odan ári arttyrý úshin esepteýler júrgizgen.
«QR Bilim jáne ǵylym mınıstrliginiń joǵary jáne joǵary oqý ornynan keıingi bilim berý uıymdaryndaǵy professorlyq oqytýshylar quramynyń usynylatyn pedagogıkalyq júktemesin jáne eń tómengi jalaqysyn aıqyndaý týraly» № 122 buıryǵymen 680 akademııalyq saǵat júktemesi kezinde shtattyq oqytýshylarǵa usynylatyn júkteme men eń tómengi jalaqy belgilendi», - deıdi vıtse-premer.
Naqtyraq aıtsaq, bul mólsher qatardaǵy oqytýshy úshin – 200 000 teńge, aǵa oqytýshy úshin – 230 000 teńge, qaýymdastyrylǵan professor úshin – 260 000 teńge, professor úshin – 350 000 teńge, Ulttyq JJOKBU-da professor úshin – 400 000 teńge.
«Professorlyq oqytýshylar quramynyń pikiri boıynsha, kórsetilgen eń tómengi jalaqy somasy jas oqytýshylardy joǵary bilim berý júıesine tartý, oqytýshylardy ǵylymı-zertteý qyzmetine yntalandyrý jáne jalpy OPQ-nyń sapalyq quramyn qalyptastyrý úshin jetkilikti bolyp tabylady. Sonymen qatar Qazaqstan Respýblıkasynda bilim berýdi jáne ǵylymdy damytýdyń 2020-2025 jyldarǵa arnalǵan memlekettik baǵdarlamasynda memlekettik tapsyrys qunyn 2020 jylǵy 1 qyrkúıekten bastap ulǵaıtý kózdelgen», – deıdi Eraly Toǵjanov.