Professor-oqytýshy qyzmetkerlerdiń 9,3 paıyzynyń ǵylym doktory dárejesi bar
ASTANA. 24 qańtar. QazAqparat - Respýblıkanyń joǵary oqý oryndarynda oqıtyn stýdentterdiń jalpy sanynda edáýir úles salmaq kelesi mamandyqtarǵa tıesili: pedagogıkalyq mamandyqtar - 23,5%, áleýmettik ǵylymdar jáne bıznes - 19,2%, tehnıkalyq ǵylymdar jáne tehnologııalar - 18,6%.
Bul jaıynda QR Statıstıka agenttiginiń málimetterinde habarlanǵan.
Shtatta turatyn professorlyq-oqytýshylyq quramnyń sany 41 224 adam, qosa atqarýshylyq qyzmet boıynsha 5 915 oqytýshy jumys isteıdi. Professor-oqytýshy qyzmetkerlerdiń 9,3%-nyń ǵylym doktory, 36,8%-nyń - ǵylym kandıdaty, 6,9%-nyń - professor jáne 18,6 %-nyń - dotsent ǵylymı dárejesi bar. Magıstrdiń akademııalyq dárejesi bar oqytýshylardyń sany - 7 167 adam.
JOO-dyń barlyq ǵımarattarynyń jalpy alańy 5 159,7 myń sharshy metrdi, oqý-zerthanalyq ǵımarattardyń jalpy alańy - 2 844,7 myń sharshy metrdi qamtyp otyr.
