Professor Muqambetqalı Búrkitbaev «Injenerlik bilim salasy boıynsha halyqaralyq deńgeıdegi oqytýshy» atandy
ATY. 7 maýsym. QazAqparat /Ádilet Musahaev/ - Ál-Farabı atyndaǵy Qazaq ulttyq ýnıversıtetiniń birinshi prorektory, professor Muqambetqalı Búrkitbaev «Injenerlik bilim salasy boıynsha halyqaralyq deńgeıdegi oqytýshy (IGIP)» atandy,
dep málimdedi atalǵan ýnıversıtettiń baspsóz qyzmeti.
6 maýsymda «Halyqaralyq ınjenerlik bilim» baǵdarlamasy boıynsha IGIP qaýymdastyqtyń jáne Halyqaralyq Monıtorıng Komıtetiniń usynysy boıynsha ál-Farabı atyndaǵy Qazaq ulttyq ýnıversıtetiniń birinshi prorektory, professor Muqambetqalı Búrkitbaev ınjenerlik bilim salasy boıynsha halyqaralyq deńgeıdegi oqytýshy qurmetti ataǵymen marapattaldy.
Sertıfıkatty QazUÝ rektory Ǵalymqaıyr Mutanov ýnıversıtettiń Ǵylymı keńesinde professorǵa arnaıy tabys etti. Qujatqa IGIP prezıdenti, professor Maıkl Aýer jáne bas hatshy Gerbert Kleber qol qoıǵan.
QazUÝ rektory professor M.Búrkitbaevti quttyqtap, qujat óz kezeginde IGIP regıstrdi oryndaýda barlyq talaptar qajetti deńgeıde oryndalǵandyǵyn kýálandyratyndyǵyn, sonymen qatar, sertıfıkat ınjenerlik bilim salasy boıynsha álemdik deńgeıde dáris oqý múmkindigin berip, sheteldik joǵary oqý oryndarynda jumys isteýge jol ashatyndyǵyn aıtty.
