Professor H.Ábjanov «Tarıh» telearnasyn ashýdy usyndy
ASTANA. 6 maýsym. QazAqparat - Búginde bizge «Tarıh» telearnasyn ashý qajet. Keshe Astanada ótken Qazaqstannyń ulttyq tarıhyn zerdeleý jónindegi vedomstvoaralyq jumys tobynyń keńeıtilgen otyrysynda (Jalpyulttyq keńes) Shoqan Ýálıhanov atyndaǵy tarıh jáne etnologııa ınstıtýtynyń dırektory, professor Hangeldi Ábjanov osyndaı usynys jasady.
Ǵalym atap kórsetkendeı, qazirgi kezde tarıh bilimin nasıhattaýǵa barlyq jaǵdaı jasalǵan. «Máselen, jaqynda ashylǵan «Bilim» men «Mádenıet» arnalary úlgisinde «Tarıh» telearnasyn nege ashpasqa? Qazirgi kezde ondaı arnalar TMD memleketterinde de bar. Ol arqyly tarıh ǵylymy salasyndaǵy ınnovatsııalardy kórsetip, ǵalymdardyń zertteý jumystaryn jan-jaqty kórsetýge bolar edi», - deıdi H.Ábjanov.
Aıta keteıik, qazirgi kezde spýtnıktik júıede tarıhı arnalar barshylyq. Máselen, kórshi Reseıdiń «Teledıdardyń 365 kúni» sııaqty arnasy jumys istep tur.
