Professor D.Feldberg Qazaqstan medıtsınasynyń joǵary marapatyna ıe boldy
ASTANA. 14 maýsym. QazAqparat - Reprodýktıvti medıtsına jónindegi dúnıejúzi qaýymdastyǵynyń vıtse-prezıdenti,
professor Dov Feldberg Qazaqstannyń densaýlyq saqtaý salasynyń joǵary nagradasy - «Altyn dáriger» tósbelgisimen marapattaldy.
Tósbelgini ǵalymǵa búgin Astanada bastalǵan «Bedeýlikti anyqtaý men emdeýdegi ózekti máseleler. Qosalqy reprodýktıvti tehnologııalar» taqyrybyndaǵy V Halyqaralyq ǵylymı-tájirıbelik konferentsııa barysynda QR Ulttyq medıtsına qaýymdastyǵynyń prezıdenti Aıjan Sadyqova tabys etti. «Professor Dov Feldberg Qazaqstannyń densaýlyq saqtaý salasynyń damýyna da óz úlesin qosyp keledi. Osy taqyrypta ótetin konferentsııalarǵa únemi qatysyp, qazaqstandyq mamandarmen ózara tájirıbe bólisip otyrady», - deıdi A.Sadyqova.
