Professor Abaı Baıgenjınge №11 Eýropanyń qurmetti ǵalymy ataǵy berildi
STANA. Maýsymnyń 17-si. QazAqparat /Marlan Jıembaı/ - Elimizdiń «Ulttyq ǵylymı medıtsnıalyq ortalyǵy» RMK dırektory, medıtsına ǵylymynyń doktory, Qazaqstannyń eńbek sińirgen qaıtarkeri Abaı Baıgenjın halyqaralyq «Sokrat medalimen» marapattaldy.
Atalǵan nagradany búgin elordadaǵy Kongress-Holl saraıynda medıtsına qyzmetkerleriniń merekesine oraı ótken saltanatty shara barysynda Densaýlyq saqtaý mınıstri Jaqsylyq Dosqalıev tabys etti.
«Eýropalyq iskerlik yntymaqtastyq qaýymdastyqtan jaǵymdy jańalyq aldyq», dep sózin bastaǵan mınıstrdiń aıtýynsha, osy uıymnyń sheshimimen medıtsına jáne farmatsııa salasyndaǵy zor jetistikteri úshin professor Abaı Baıgenjın halyqaralyq «Sokrat medaline» ıe bolyp otyr. Sonymen qatar Eýropalyq ǵylymı qaýymastyq ǵylymı keńesiniń, Eýropalyq jaratylystaný ǵylymdar akademııasy tóralqasynyń sheshimimen A.Baıgenjınge №11 Eýropanyń qurmetti ǵalymy ataǵy da berilgen. «Ol pýlmonolog mamany bolǵandyqtan, osy salaǵa sińirgen eńbegi úshin «Robert Koh» medalimen de marapattaldy», dedi J. Dosqalıev.
Ǵalymǵa joǵaryda atalǵan nagradalardy tabys etken mınıstr «bul bizdiń barlyq qazaqstandyq medıtsına úshin úlken jetistik. Men búgin osy zalda otyrǵan barlyq jas dárigerlerimizge biraz jyldardan keıin osylaı álemdik arenada joǵary marapatqa ıe bolýlaryn tileımin», dedi.
Sondaı-aq J. Dosqalıev elimizdiń birqatar medıtsına qyzmetkerlerin QR densaýlyq saqtaý isiniń úzdigi belgisimen marapattady.
