Prodıýserlerge fılmde Obamaǵa qatty uqsaıtyn ázázildi alyp tastaýǵa týra keldi
ASTANA. QazAqparat - Amerıkada túsirilgen «Qudaı balasy» atty fılmniń prodıýserleri ázázildiń qatysýymen bolǵan jerlerdi qıyp tastaýlaryna týra keldi. Sebebi sol ibilistiń beınesin somdaǵan akter Barak Obamaǵa qatty uqsap ketken. Bul kadrlar kórermender tarapynan qate túsinik týdyrýy yqtımal degen kúdikpen alynyp tastaldy.
Kartınaǵa prodıýserlik etip júrgen Roma Daýnıdiń sózine qaraǵanda, qysqartýǵa jatqyzylǵan kadrlar tym kóp emes, sebebi kınonyń basym bóligi Isa paıǵambardyń beınesine kóp arnaldy, dep habarlaıdy Lenta.ru.
«Qudaı balasy» fılminiń («Son of God») premerasy 2014 jyldyń 28 aqpanyna belgilengen. Onyń negizgi jelisi «Bıblııa» serıalynan alynyp otyr.
Isa paıǵambar ibilispen kezdesken jerge kelgende blogerler men BAQ onyń AQSh prezıdenti Barak Obamaǵa uqsastyǵyn birden ańǵarǵan.
Kóptegen tilshiler bul qadam qasaqana jasaldy dep, fılmniń prodıýseri men rejısserlerin aıyptaǵan bolatyn. Keıin olarǵa BAQ aldyna shyǵyp, resmı jaýap qaıyrýǵa da týra kelgen.
