Protsessýaldy sheshimder qabyldaý úshin quqyq qorǵaý organdaryna 620-dan astam materıal baǵyttaldy - Qarjy mınıstrligi
ASTANA. QazAqparat - 5850 laýazymdy tulǵanyń tártiptik jaýapkershiligi qaraldy. Bul týraly búgin QR Qarjy mınıstrliginiń alqa májilisinde QR Premer-Mınıstriniń orynbasary, vedomstvo basshysy Baqyt Sultanov málim etti.
«Ótken jyly 579 mlrd. teńgege bıýdjettik zańnama men memlekettik satyp alý tártibiniń buzylǵandyǵy anyqtaldy. Onyń kólemi 552,9 mlrd. teńgeni qurady. Protsessýaldy sheshimder qabyldaý úshin quqyq qorǵaý oragandaryna 620-dan astam materıal baǵyttaldy»,-dedi mınıstr.
Osy oraıda 2 myńnan astam ákimshilik aıyppuldar salynǵan eken.
B.Sultanovtyń sózine qaraǵanda, 5850 laýazymdy tulǵanyń tártiptik jaýapkershiligi qaralyp, sottarǵa bıýdjetke óteý, memlekettik satyp alýlar boıynsha kelisimderdi jaramsyz dep taný týraly 490-ǵa jýyq talap-aryz usynyldy. Osy turǵyda qabyldanǵan sharalar aıasynda negizsiz shyǵystardy óndirip alý, ákimshilik aıyppuldar men ózge de sharalarlyń arqasynda bıýdjetke 2 mlrd. teńgeden astam qarjynyń túsimi qamtamasyz etildi. Budan bólek, 131,6 mlrd. teńge kóleminde memleket aktıvteriniń orny toltyryldy.
