«Proboxing-fans.com» Gennadıı Golovkındi «2015 jyldyń boksshysy» atady
ASTANA. QazAqparat - «Proboxing-fans.com» Gennadıı Golovkındi «2015 jyldyń boksshysy» atady, dep habarlady vesti.kz.
Basylym «Golovkın qarsylastarynyń deńgeıin, jekpe-jek jıiligi men árbirindegi erekshe kózge túsken sátterdi atap ótken.
«WBA (Super), IBO, WBC (Interim) jáne IBF nusqalary boıynsha orta salmaqtaǵy álem chempıony qazaqstandyq Gennadıı Golovkın (34-0, 31 KO) Proboxing-fans.com nusqasy boıynsha «2015 jyldyń boksshysy» atandy».
Bıyl Golovkın jeńister sanyn 34-ke jetkizdi, olardyń 31-in nokaýtpen aıaqtaǵan. Martın Mıýrreı (11 raýnd), kishi Vıllı Monro (6 raýnd) jáne Davıd Lemeni (8 raýnd) nokaýtqa jiberdi.
Degenmen, «Proboxing-fans.com» «pound for pound» (salmaq dárejesine qaramastan) reıtınginde Golovkındi úshinshi orynǵa qoıdy. Sondaı-aq, basylym qazaqstandyqtyń jekpe-jekterin mindetti túrde qaraýǵa keńes beredi, ótkeni onda «Big Drama Show-dyń» bolatynyna kepildik berdi.
Bul ataqqa ıe bolýǵa úmitti boksshylardyń qatarynda Roman Gonsales, Saýl «Kanelo» Alvares pen Taıson Fıýrı boldy. Alaıda, «Golovkın qarsylastarynyń deńgeıi, jekpe-jek jıiligi men árbirindegi erekshe kózge túsken sátteri onyń «2015 jyldyń boksshysy» atanýyna jol ashty.
