Problemalyq nesıeler qorynyń qyzmetkeri 20 mln teńgeniń múlkin urlady degen kúdikke ilindi

NUR-SULTAN. QazAqparat - QR Qarjy mınıstrliginiń «Problemalyq nesıeler qory» AQ-nyń qaryzdardy óndirip alý departamenti dırektorynyń mindetin atqarýshy asa iri mólsherdegi múlikti urlady degen kúdikke ilindi. Bul jóninde Sybaılas jemqorlyqqa qarsy is-qımyl agenttigine silteme jasap QazAqparat habarlaıdy.

Sybaılas jemqorlyqqa qarsy is-qımyl agenttigi jemqorlyq qylmysyn jasady dep kúdikke ilingen QR Qarjy mınıstrliginiń «Problemalyq nesıeler qory» AQ-nyń qaryzdardy óndirip alý departamenti dırektorynyń mindetin atqarýshyǵa qatysty sotqa deıingi tergeýdi bastady.

«Ol bir top adammen aldyn ala sóz baılasyp, Aqtóbe oblysynda ornalasqan kepildik elevatordy tólep alý kezinde JShS basshysy men quryltaıshysynyń senimin teris paıdalaný men aldaý arqyly asa iri mólsherde, ıaǵnı 20 mln teńgeniń múlkin urlady dep aıyptalyp otyr» delingen habarlamada.

Kúdikti ustalyp, Nur-Sultan qalasy polıtsııa basqarmasynyń ýaqytsha ustaý ızolıatoryna qamaldy. Bultartpaý sharasyn tańdaý máselesi sheshilýde.

Kúdiktiniń kinásine qatysty sheshimdi sot qabyldaıdy.