«Problemalyq kredıtter qory» basqarmasynyń burynǵy tóraǵasy ustaldy
ASTANA. KAZINFORM – UQK Sybaılas jemqorlyqqa qarsy is-qımyl qyzmeti prokýratýranyń úılestirýimen laýazymdyq ókilettikterin teris paıdalandy degen kúdikpen Qarjy mınıstrliginiń «Problemalyq kredıtter qory» AQ basqarmasynyń burynǵy tóraǵasyn ustady.
UQK málimetinshe, tergeý materıaldaryna sáıkes, ol jekemenshik ıesine qorǵa aýdarylýǵa tıis kepil múlkin satýdan túsken aqsha qarajatyn ustap qalý quqyǵyn zańsyz berip, memleketke 11,4 mlrd teńge kóleminde zalal keltirgen.
— Budan bólek, ol memlekettik múlikti tómendetilgen qunmen satqan, osynyń saldarynan bıýdjetke 1,3 mlrd teńgeden astam qarajat túspeı qalǵan.
Sondaı-aq qujattardy qoldan jasaý arqyly kepilge qoıylǵan jer ýchaskelerin satyp, qorǵa 800 mln teńge kóleminde zalal keltirgen boryshker kompanııalardyń menshik ıesi men onyń sybaılastary ustaldy, — delingen habarlamada.
Sottyń sanktsııasymen olar Qylmystyq kodekstiń 190 jáne 361-baptary boıynsha qamaýǵa alynyp, múlikke tyıym salyndy.
Sotqa deıingi tergep-tekserý júrgizilip jatyr.
Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.
Aıta ketelik Mańǵystaýda UQK eks-orynbasary men Aqtaý áýejaıy aýdıtory 500 myń dollar bopsalaǵany úshin sottalǵan edi.