Problemalardy kóbirek aıtý kerek — Bektenov QazaqGaz basshysyna eskertý jasady

ASTANA. KAZINFORM — Premer-mınıstr Oljas Bektenov QazaqGaz ulttyq kompanııasynyń basqarma tóraǵasy Sanjar Járkeshevke saladaǵy problemalardy ashyp aıtpaǵany úshin eskertý jasady.

QazaqGaz basshysy Úkimet otyrysynda eldi mekenderdi gazdandyrý jumystary týraly málimet bergen. 

— Jumystaryńyzda eshqandaı problemalyq máseleler joq pa sonda? Tek jumystyń oń nátıjelerin kórsettińiz. Problemalyq máselelerdi kóbirek aıtý kerek, jaryqqa shyǵarý kerek, talqylaý kerek. Bar ma, ondaı másele, — dep surady Premer-mınıstr.

Sanjar Járkeshev osydan keıin ǵana Qashaǵandaǵy gaz óńdeý zaýytynyń máselesine toqtaldy.

— Qashaǵandaǵy gaz óńdeý zaýytynyń problemalary boldy, ózińiz bilesiz. Qurylys jobalary, qurylys jumystary baıaý bolǵan edi. Qazirgi tańda basqa bas merdiger kelgen. Qurylys problemalary sheshilip, 100 paıyz jabdyqtar Qytaıdan keldi. Qurylysty belgilengen merzimde aıaqtaýdy josparlap otyrmyz, — dedi QazaqGaz basshysy.

Eske salsaq, Prezıdent Qasym-Jomart Toqaev Jańaózen gaz óńdeý zaýyty qurylysynyń keshigýin Úkimettiń óreskel olqylyǵy retinde baǵalaǵan edi.