Probatsııalyq baqylaýǵa alynǵan ánshi Qarakesek qoqys jınap, aıaldama jýyp júr
AQTÓBE. KAZINFORM — Aqtóbe oblystyq qylmystyq-atqarý júıesi departamenti ánshiniń qoqys jınap júrgen vıdeosyn taratty. Sot úkimi boıynsha Omar Amantaev 100 saǵat jumys isteýi tıis.
Qarakesek laqap atymen tanymal Omar Amantaev Zarechnyı turǵyn alabynda tazalaý jumystaryn júrgizip jatyr.
— Ánshi basqa da jazasyn óteýshilermen birge qoǵamdyq jumystarǵa shyǵyp, eldi meken aýmaǵyn qoqystan tazartyp, tazalyq jumystaryn júrgizdi. Qoǵamdyq jumys — tek jaza ǵana emes, qoǵamǵa paıdaly eńbek arqyly jaýapkershilikti sezinýge baǵyttalǵan tártiptik sharalardyń biri. Bul rette Omar Amantaev sot úkimin oryndaý barysynda zań talaptaryna baǵynýdyń úlgisin kórsetti. Zań aldynda bári birdeı. Tanymal tulǵa nemese qarapaıym azamat bolsa da, sot sheshimi bárine ortaq jáne mindetti túrde oryndalýy tıis. Bul — quqyqtyq memleket qaǵıdattarynyń aıqyn kórinisi. Ár azamat zań talaptaryn qurmettep, óz áreketi úshin jaýap bere bilse, qoǵamda tártip pen ádildik nyǵaıa túspek, — dep habarlady Aqtóbe oblystyq qylmystyq-atqarý júıesi departamenti.
Buǵan deıin habarlaǵanymyzdaı, byltyr kúzde Aqtóbede eskirtkige mas kúıinde kólik júrgizgen rep oryndaýshysy Qarakesek ustaldy. Ol 15 táýlikke qamaldy jáne ol 7 jyl kólik júrgize almaıdy. Sonymen qatar esirtki quraldaryn zańsyz paıdalaný deregi boıynsha qylmystyq is qozǵaldy. Omar Amantaev sotta ózine taǵylǵan aıypty moıyndady.
Esirtki zatyn taýyp alyp, saqtaǵany úshin 100 saǵat qoǵamdyq tartylady. Sonymen birge psıhıatrdan em alýy tıis.
Ol sot úkimin oryndaýdy naýryz aıynyń sońynda bastady.
