Probatsııa shartyn buzǵany úshin 68 sottalǵan adam kolonııalarǵa jiberildi
ASTANA. KAZINFORM – Bıyl Oral qalasy boıynsha buryn shartty jazaǵa jáne bostandyǵyn shekteýge sottalǵan 68 adam jazany óteý tártibin qasaqana buzǵany úshin naqty bas bostandyǵynan aıyrý jazasyna aýystyryldy. Bul týraly Batys Qazaqstan oblysynyń prokýratýrasynyń baspasóz qyzmeti habarlady.
«Zań men Tártip» tujyrymdamasyn iske asyrý aıasynda Oral qalasy prokýratýrasynyń bastamasymen probatsııa qyzmetinde esepte turǵan tulǵalar arasynda quqyq buzýshylyqtardyń aldyn alý maqsatynda sottalǵandardyń qatysýymen ashyq sot otyrystaryn ótkizý tájirıbesi jalǵasyp jatyr.
Osyndaı sot otyrystarynyń birinde jazany óteý tártibin júıeli túrde buzǵan (tirkeýge kelmegen, túngi ýaqytta turǵylyqty jerinde birneshe ret bolmaǵan) jáne qylmystyq quqyq buzýshylyq jasaǵan eseptegi tulǵaǵa qatysty probatsııa qyzmetiniń usynýy qaraldy.
Qaraý nátıjesinde sot jazany aýystyrý týraly sheshim qabyldap, sottalǵan adam naqty merzimin óteý úshin túzeý mekemesine jiberildi.
— Jalpy, bıyl Oral qalasy boıynsha buryn shartty jazaǵa jáne bostandyǵyn shekteýge sottalǵan 68 adam jazany óteý tártibin qasaqana buzǵany úshin naqty bas bostandyǵynan aıyrý jazasyna aýystyryldy, — delingen habarlamada.
Aıta ketelik Astanada probatsııadaǵy 12 adam tyıym salynǵan zat qoldanǵany úshin jaýapqa tartyldy.