Probatsııa ofıtseri qyzmeti tıimdiligin kórsetti - Sáýle Mektepbaeva
ASTANA. QazAqparat - Probatsııa ofıtseri qyzmeti tıimdiligin kórsetti Bul týraly búgin Ortalyq kommýnıkatsııalar qyzmetindegi baspasóz máslıhatynda «Qazaqstandaǵy qylmystyq sot tóreligin jetildirý» jobasynyń (EUCJ) operatsııalyq jetekshisi Sáýle Mektepbaeva atap ótti, dep habarlaıdy QazAqparat tilshisi.
«Joba aıasynda josparlanǵan mindetterden basqa, biz seriktesterge damý úshin tıimdi ózgeristerdi basqarý ádisnamasy men júıesin engizýge kómektestik. EUCJ - Bas prokýratýraǵa, Іshki ister mınıstrligine jáne tıisti akademııalarǵa ınstıtýtsıonaldyq ózgerister salasynda saraptamalyq qoldaý kórsetetin alǵashqy joba», - dedi Sáýle Mektepbaeva atalǵan jobanyń úshjyldyq nátıjesine arnalǵan jıynda.
Onyń aıtýynsha, qylmystyq-atqarý júıesindegi zań buzýshylardan týyndaıtyn qaterdi baǵalaý júıesi jáne probatsııa ofıtserleriniń sotpen jumys isteý mehanızmderi alǵash ret EUCJ jobasy qoldaýymen synaqtan ótkizilgen.
«Elimizdiń úsh óńirinde, atap aıtqanda Baıanaýylda, Qaraǵandy oblysynda jáne Astana qalasynda qolǵa alynǵan ilki jobamyzdyń aıasynda alǵash ret probatsııa ofıtserleri táýekelderge baǵalaý júrgizdi. ıAǵnı, quqyq buzýshynyń qaıtadan jat áreketterge barý-barmaý múmkindikterin baǵalady. Atalǵan baǵalaý negizinde olar sotqa baıandama jasady. Osylaısha olar quqyq buzǵan adamnyń sol bir naqty áreketine qandaı jaza taǵaıyndaý durystyǵyn aıtty. Qazaqstan tarıhynda probatsııa ofıtseriniń sot aldynda sóz sóılep, baıandama jasaýy osylaısha alǵash ret oryn aldy. Bul jobanyń jetisteriniń biri»,- dedi ol.
Іs-sharaǵa Qazaqstan Respýblıkasyndaǵy Eýropalyq Odaq Ókildiginiń yntymaqtastyq bóliminiń basshysy Iohannes Stenbek Medsen, EUCJ jobasynyń basshylary Sáýle Mektepbaeva jáne Bıll Meızer, sonymen qatar Tılbýrg ýnıversıtetiniń vıktımologııa professory ıAn Van Daık qatysty.
EUCJ jobasynyń maqsaty - Qazaqstan úkimetine halyqaralyq standarttarǵa sáıkes qylmystyq sot tóreligin reformalaýǵa kómektesý.
Foto: www.kazpravda.kz
