Proaktıvti formatta járdemaqy taǵaıyndaý úshin jiberilgen 145 myń habarlama jaýapsyz qaldy – Asqar Nııazov
«Otbasylarǵa járdemaqy tóleýge proaktıvti format engizip otyrmyz. Proaktıvti formatta qyzmet alýshydan ótinish talap etilmeıdi. ıAǵnı, qyzmet alýshy bala týǵan kezde nemese kóp balaly otbasy bolǵanda SMS habarlamany quttyqtaý mátinde jibere otyryp, qosymsha qoldaý is-sharalaryn alýǵa múmkindigi bar ekendigin aıtamyz. Azamattardan talap etiletindigi jiberilgen SMS habarlamamyzǵa dereý jaýap berse bolǵany. Habarlama jiberýdegi maqsatymyz - otbasyǵa áleýmettik kómek alýǵa ruqsatyn alý. ıAǵnı, zańnamaǵa sáıkes biz azamattardyń ruqsatynsyz qosymsha kómek taǵaıyndaýǵa quqyly emespiz», - dedi ol Ortalyq kommýnıkatsııalar qyzmetindegi brıfıng barysynda.
Onyń dereginshe, osy jyldyń 6 aıynda 35 myń otbasyǵa járdemaqy proaktıvti formatta taǵaıyndaldy.
«Jalpy, osy 6 aıdyń ishinde proaktıvti formatta járdemaqy taǵaıyndaý úshin jiberilgen SMS habarlamalardyń sany 180 myńnan asady. Ókinishke oraı 145 myńǵa jýyq habarlamamyz azamattar tarapynan jaýapsyz qaldy», - dedi Asqar Nııazov.