Pro Team Astana qazaqstandyq komandasy «Dubai Tour» velosporty boıynsha jarystarǵa qatysady
ÁBÝ-DABI. QazAqparat - Birikken Arab Ámirlikterinde 5-8 aqpan aralyǵynda alǵash ret kópkúndik «Dýbaı týry» (Dubai Tour) velojarysy ótedi.
«Dýbaı týry» UCI veloshabandozdarynyń halyqaralyq odaǵy uıymdastyrǵan jarystardyń «Azııalyq týrdaǵy» birinshi kezeńi bolady. «Dýbaı týry» jarysyna qatysý úshin ataqty otandyq sportshy Aleksandr Vınokýrovtyń basshylyǵymen «Pro Team Astana» veloshabandozdary qazaqstandyq komandasy keldi.
Sársenbide jarys «Daýntaýn Dýbaı» qalasynyń ortalyǵynda 10 shaqyrymdyq qashyqtyqta bastalady. Kelesi úsh kún ishinde álemniń jetekshi velosportshylary ámirlik megapolısiniń qyzýly ortalyǵynda jáne Dýbaıdyń negizgi kórikti jerleriniń mańynda jarysqa túsedi.
"Dýbaı týry" jarysyn ótkizýge BAÁ-niń klımattyq erekshelikterine baılanysty aqpan aıy tańdalǵan. Naq osy qysqy ýaqyt Birikken Arab Ámirlikteri men Parsy shyǵanaǵynyń basqa elderinde halyqtyń kóshede serýendeýine eń qolaıly kez bolyp sanalady. Kúndiz aýa raıy 24-26 gradýs ystyq bolady, bul sportshylarǵa tamasha nátıje kórsetýlerine múmkindik beredi.
Ámirlikter bıligi elde velosporttyń buqaralyq damýyna múddeli. Ótken jyly Dýbaıda qajetti barlyq jaǵdaılarymen jattyǵý ótkizýge qolaıly 68 shaqyrymdyq jarys joly ashylǵan bolatyn.
