«PRO» lıtsenzııasyn alǵan 11 qazaqstandyq fýtbol jattyqtyrýshysynyń esimi belgili boldy
ASTANA. 21 qarasha. QazAqparat - «PRO» lıtsenzııasyn alǵan 11 qazaqstandyq fýtbol jattyqtyrýshysynyń esimi belgili boldy, dep habarlady Qazaqstan fýtbol federatsııasynyń resmı saıty.
Federatsııanyń atap ótýinshe, olar ózderiniń jattyqtyrýshylyq bilikterine sáıkes tek Qazaqstanda ǵana emes, sonymen qatar Eýropanyń da kez-kelgen kásibı klýbyna bas jattyqtyrýshy bola alady.
Sonymen qatar jattyqtyrýshylyq lıtsenzııany Talǵat Baısýfınov, Qaırat Aımanov, Núrken Mazbaev, Grıgorıı Babaıan, Vladımır Nıkıtenko, Sergeı Kogaı, Vladımır Chebýrın, Vıacheslav Ledovskıh, Sergeı Volgın, Vıktor Semenov jáne Pavel Rodnenok ıe boldy.
«Joǵaryda atalǵan mamandardyń basym bóligi óz komandalarymen jaqsy jumys isteýde. ÝEFA lıtsenzııa berý jónindegi Qazaqstan fýtbol federatsııasynyń tehnıkalyq ortalyǵynyń qyzmetin joǵary baǵalady. Mamandar fýtbol teorııasy men praktıkasyn ǵana emes, sonymen qatar qazirgi zamanǵy mamanǵa qajetti psıhologııany, sotsıologııany, qoǵammen baılanysty jetik meńgergen», - delingen habarlamada.
