Prıshahtınsk turǵynyn qaǵyp ketken kólik júrgizýshisi qamaýǵa alyndy
QARAǴANDY. QazAqparat - Qaraǵandy oblysynyń Prıshahtınsk qalasynda jaıaý júrginshiler jolaǵynda jolaýshyny jeńil kólik qaǵyp ketti. Aýyr jaraqat alǵan áıel adam jedel járdem kelgen bette jan tapsyrdy, dep habarlaıdy QazAqparat.
Atalǵan jol apatyna qatysty ІІD aqparat berdi. Mersedes kóliginiń 34 jastaǵy júrgizýshisi Metodıcheskaıa kóshesinde 7-shi magıstarlǵa qaraı baǵyt alyp kele jatqanda, jaıaý júrginshiler jolaǵynda áıeldi qaǵyp ketken. 25 jastaǵy qala turǵyny kóz jumdy.
«Osy fakti boıynsha QR Qylmystyq kodeksiniń 345-baby, 3-bóligi boıynsha sotqa deıingi tergeý júrgizilýde. Kólik júrgizýshisi ýaqytsha qamaý ızolıatoryna jetkizildi», - dep málimdedi ІІD baspasóz qyzmetkeri Baqytjan Qudııarov.
Araılym Satybaldyqyzy
Foto: darakchi.uz
