Prıozerskide 4 jasar qyz bala temir dýalǵa basyn tyǵyp, qaıta shyǵara almaı qalǵan
PRIOZERSK. QazAqparat - Prıozersk qalasynyń aýlalarynyń birinde oınap júrip 2017 jyly týǵan qyz bala basyn metall sharbaqtarynyń arasyna kirgizgen.
Sonyń saldarynan bala ne alǵa, ne artqa shyǵa almaǵan. Eresekter de qyzǵa óz betinshe kómektese almaǵandyqtan, qutqarýshylardy shaqyrdy.
Gıdravlıkalyq quraldy paıdalana otyryp, Qaraǵandy oblysy TJD №15 órt sóndirý bóliminiń órt sóndirýshi-qutqarýshylary temir sharbaqty kesip, balany qutqaryp qaldy. Qyz bala zardap shekken joq jáne ata-anasyna tapsyryldy.
«Ata-analarǵa balalardy eresekterdiń qaraýynsyz qaldyrmaýǵa keńes beremiz. Balalarǵa qarapaıym qaýipsizdik sharalaryn únemi eske salyp turyńyzdar:
- qarańǵy jerlerde oınamandar;
- qoqystar men ıen dalada oınamandar;
- temirjoldyń, avtojoldyń janynda oınamandar;
- qıraǵan ǵımarattarda oınamandar;
- elektr jáne gaz qurylǵylaryn qosýly kúıde qaldyrmandar;
- otpen oınaýǵa bolmaıdy;
- beıtanys jerlerde shomylýǵa jáne sýǵa túsýge bolmaıdy»,-delingen habarlamada.
