Prıozersk qalasynyń jylý júıesi burynǵydan da jaqsy jumys isteıtin bolady - sarapshy pikiri
ASTANA. 17 qańtar. QazAqparat /Aıdar Ospanalıev/ - Tótenshe jaǵdaılar salasy mamandarynyń aıtýlarynsha, Prıozersk qalasyndaǵy jylý júıesin jóndeý jumystary tolyq aıaqtalsa, jylý burynǵydan áldeqaıda jaqsy beriletin bolady.
Bul týraly búgin osy máselege baılanysty jýrnalıstermen arnaıy baspasóz máslıhatyn ótkizgen Tótenshe jaǵdaılar salasynyń Qazandyqtar, gaz sharýashylyǵy men kótergish qurylǵylar nysandaryn memlekettik baqylaý basqarmasynyń bas sarapshysy Vladımır Melnık málim etti.
Onyń sózine qaraǵanda, Prıozersk qalasynda alǵashynda býmen jumys isteıtin DE-25 markili 5 qazandyǵy qoıylyp, onyń 4-ýi iske qosylǵan. Apatty jaǵdaıdan soń jumys istep turǵan 4 qazandyqtyń 1-i isten shyqty. «Qazirgi tańda munda nebári 3 qazandyq jumys istep tur. Barshaǵa málim Prıozersk qalasynda oryn alǵan tótenshe jaǵdaılardan soń osy jaǵdaıdy retteý maqsatynda qosymsha komıssııa quryldy. Atalmysh komıssııa ókilderi jaǵdaıdy naqtylaı kele qalany jylýmen qamtamasyz etý jumystaryn jetildirý qajet degen baılamǵa keldi. ıAǵnı bizge qaladaǵy jumys istep turǵan 3 qazandyqpen qosa taǵy 2 qazandyqty iske qosý mindeti júkteldi. Atalmysh jumystar 26 qańtar kúni tolyq bitedi degen oıdamyn. Tehnıkalyq jumystar aıaqtalatyn bolsa, qazandyqtan shyǵar joldaǵy jylý temperatýrasy 80 gradýstan da asady», - dedi sarapshy.
