Prıozersk qalasynda 24 otbasy baspanaly boldy
PRIOZERSK. QazAqparat – Prıozersk qalasynyń jıyrma tórt turǵyny qalanyń 65 jyldyǵyna jáne Qazaqstan Respýblıkasy Táýelsizdiginiń 30 jyldyǵyna oraı páter kiltterine ıe boldy.
Qala turǵyndary «Qoljetimdi baspana – 2020» memlekettik baǵdarlamasy boıynsha baspanamen qamtamasyz etildi, dep habarlaıdy QazAqparat tilshisi.
Jańa qonysqa kóshkenderdiń arasynda kópbalaly otbasylar, jalǵyz baspanasy apatty dep tanylǵan turǵyndar, tolyq emes otbasylar jáne bıýdjettik sala qyzmetkerleri bar.
Prıozersk turǵyndary Dostyq kóshesindegi №1 24 páterli úıden turǵyn úı aldy.
«Sizderdi ómirińizdegi tamasha oqıǵa - jeke turǵyn úı alýlaryńyzben quttyqtaımyn. Páterlerińiz shattyqa toly bolsyn jáne balalardyń kúlkisi estilsin! Baılyq, qýanysh pen amandyq tileımiz!» - dep Prıozersk qalasynyń ákimi Qaırat Qamzın qonys ıelerin quttyqtady.
