Prıozersk garnızonynda áskerı qyzmetshi ózin atyp mert boldy

ASTANA. KAZINFORM – Qurlyq áskerleriniń baspasóz qyzmeti Prıozersk garnızonyndaǵy áskerı bólimderdiń birinde áskerı qyzmetshiniń óz-ózin atyp óltirgenin rastady.

«Osy jyldyń 14 qazanynda Prıozersk garnızonyndaǵy áskerı bólimderdiń birinde merzimdi qyzmettegi áskerı qyzmetshi qaraýyl qyzmetin atqarǵan ýaqytta bekitilgen qarýmen óziniń bas aýmaǵyna oq atqan. Atalǵan oqıǵa áskerı qyzmet ótkerýmen baılanysty emes.

Aldyn ala aqparatqa qaraǵanda sarbaz otbasylyq-turmystyq janjalǵa baılanysty óz-ózine qol salǵan», - delingen resmı aqparatta. 

Vedomstvo málimetinshe, osy oqıǵaǵa baılanysty qylmystyq is qozǵaldy. 

«Tergeý sharalary júrgizilip jatyr. Aıta keterligi, sarbazdyń belgilengen áskerı qyzmetiniń aıaqtalýyna eki apta qalǵan. Qurlyq áskerleriniń qolbasshylyǵy áskerı qyzmetshiniń týǵan-týystaryna qaıǵylaryna ortaqtasyp kóńil aıtady. Onyń jaqyndaryna qajetti kómek kórsetiledi», - dep atap ótedi Qurlyq áskerleriniń baspasóz qyzmeti.

Kúni keshe ǵana Shahtısk qalasyndaǵy kópqabatty úılerdiń birinde QR Ulttyq ulany «Ortalyq» óńirlik qolbasshylyǵy 6505 áskerı bóliminiń kelisimshart boıynsha áskerı qyzmetshisiniń máıiti tabylǵanyn habarlaǵan edik.

Áskerı ózine-ózi qol jumsaǵan.