Prımorede akýla adamǵa shabýyldaýda
ASTANA. 18 tamyz. QazAqparat - Prımorede bir apta ishinde akýlanyń adamǵa shabýyldaǵany jóninde ekinshi jaǵdaı tirkeldi, dep habarlaıdy Newsru.com.
Akýla shabýyldaǵan alǵashqy oqıǵa kúni keshe tirkeldi. Teńiz haıýanynyń aýzyna aldymen 25 jasar jigit túsken. Akýla onyń eki qolyn ıyǵyna deıin jep qoıypty.
Ekinshi zardap shekken jigit - 16 jasar Ilıa. Jyrtqysh oǵan Jeltýhın araly mańynda bas salǵan. Onyń aıaǵy aýyr jaraqattanypty, dep jazady Life News.
Ǵalymdardyń paıymdaýynsha, eki shabýyldy da bir akýla jasaǵan. Qazirgi ýaqytta mamandar Reseı jaǵalaýlarynda akýlanyń qaıdan paıda bolyp, Prımore jaǵajaıyna qalaı jetkendigine boljaý jasap álek. Aldyn ala boljamdar boıynsha eki adamǵa da úlken aq akýla shabýyldaǵan.
Kýágerlerdiń sózine qaraǵanda, jaǵaǵa jaqyndaǵan akýlanyń uzyndyǵy 4 metr, bóshkege uqsas denesi men júzbeqanaty óte iri bolǵan. Bıologtardyń aıtýynsha, Prımorede aq akýlalar buǵan deıin de mekendegen, alaıda olardyń adamǵa shabýyldaý minezi alǵashqy ret tirkelip otyr.
