Prımore turǵyny úıine 900-ge jýyq mıgrantty tirkegen
ASTANA. QazAqparat - Prımore ólkesi Ýssýrıısk qalasynyń turǵyny zańsyz túrde úıine 900-ge jýyq sheteldikti tirkegen. Qazirgi ýaqytta is sotqa tapsyryldy. Bul týraly TASS agenttigine Prımore ólkesi prokýratýrasynyń baspasóz qyzmetinen habarlady.
"2016 jyldyń naýryz-sáýir aılary aralyǵynda qala turǵyny aqsha tabý maqsatynda sheteldikterdi zańsyz tirkeýge turǵyzǵan. Onyń Ýssýrıısk qalasyndaǵy Zoıa Kosmodemıanskaıa kóshesiniń boıyndaǵy úıine 893 sheteldik tirkelgen. Sheteldikter RF aýmaǵynda júrýdegi zańdy buzǵany úshin ákimshilik jaýapkershilikke tartylmas úshin osy ádisti paıdalanǵan», - dep habarlady baspasóz qyzmetinen.
Sheteldikterdiń ishinde Qytaı, Ózbekstan, Tájikstan, Ázerbaıjan, Qyrǵyzstan azamattary bar.
«Qylmystyń betin Reseı FQQ óńirlik basqarmasynyń qyzmetkerleri ashty. RF QK 322.3 baby boıynsha qylmystyq is qozǵaldy. Tergeý aıasynda kóshi-qon zańyn buzǵan sheteldikterdi jaýapkershilikke tartý sheshimi qabyldanǵan», - dedi prokýratýrada.
