PRI sarapshysy isti bolǵan jasóspirimderdi esepke almaýdy usyndy
«Bul olardyń bolashaq ómirlerine qatty áser etedi. Kámelettik jasqa tolmaǵan jasóspirimder ata-analarynyń kóńili az aýdarylǵan kezde nemese bilim júıesiniń nasharlyǵynan qylmysqa barady», - dedi A. Shambılov Astanada ótken bas bostandyǵynan aýyrý oryndarynan bosatylǵan jáne probatsııa qyzmetiniń esebinde turǵan azamattardy áleýmettik ońaltýdyń keshendi strategııasy jobasy tanystyrylymynda.
Sonymen qatar sarapshy Qazaqstanda jumysqa ornalasý kezinde sottylyq týraly anyqtamanyń talap etilýi de bas bostandyǵynan aıyrý jazasyn ótep kelgender úshin qoǵamǵa qaıta qosylýyna kóp kedergi keltiretindigin aıtty. «Ókinishke oraı, túzeý mekemelerinen shyqqandar úshin úlken kedergiler bar. Bir ǵana mysal - ol sottylyq týraly anyqtama. Bul talap olardyń jumysqa ornalasýyna jol jaýyp otyr», - deıdi ol.
Onyń sózi boıynsha, bizdiń elde atalmysh normany alyp tastaý týraly másele burynnan beri kóterilip keledi. Degenmen eshbir ózgeris joq. Óz kezeginde ózge elder bul tájirıbeni kóp jyldardan beri engizip jibergen. «Grýzııa atalǵan talapty alyp tastaǵan TMD elderiniń alǵashqysy boldy. Bul anyqtamany suratýdyń qajeti joq ekendigin memlekettik organdarǵa aıtqymyz keledi», - deıdi sarapshy.
