Prezıdenttiń joǵary senimin aqtaýymyz kerek — Oljas Bektenov
ASTANA. KAZINFORM — Premer-mınıstr Oljas Bektenov jańa Konstıtýtsııa kúshine engen tarıhı kezeńde Úkimet aldynda turǵan basty mindetterdi atady.
Búgin Quryltaı saılaýynan keıin jańartylǵan quramda Úkimettiń alǵashqy otyrysy bastaldy.
— Jańa Konstıtýtsııa zańdy kúshine enip, memleketimiz saıası jáne ekonomıkalyq jańǵyrýǵa qadam basqan tarıhı kezeńde elimizdiń odan ári áleýmettik-ekonomıkalyq damýyn qamtamasyz etý úshin bárimiz jan-jaqty sharalardy qabyldaýǵa mindettimiz. Barlyq baǵyt pen salalar boıynsha Memleket basshysy qoıǵan mindetterdi júıeli ári keshendi túrde júzege asyrý qajet, — dep atap ótti Premer-mınıstr.
Úkimet basshysynyń aıtýynsha, «Zań men Tártip» jáne «Taza Qazaqstan» konstıtýtsııalyq qaǵıdattary árdaıym bıik turýǵa tıis. Úkimettiń jumysy keshendi sharalardy qabyldaı otyryp, ozyq qarqynmen júrýi kerek.
— Qazir tolyq jaýapkershilikti moınymyzǵa alyp, naqty nátıjelerge qol jetkizý úshin qajetti sheshimderdi jedel qabyldaıtyn ýaqyt. Bárimiz Prezıdenttiń joǵary senimin tolyǵymen aqtaýymyz kerek, — dep atap ótti Oljas Bektenov.
Buǵan deıin jańadan taǵaıyndalǵan Tótenshe jaǵdaılar mınıstri Murat Muhanov ant bergen edi.
Ótken aptada Premer-mınıstr orynbasarlary men mınıstrler tolyqtaı taǵaıyndalyp, Úkimettiń jańa quramy belgili bolǵan edi. Mınıstrlerdiń basym bóligi qyzmetinde qaldy. Degenmen, keı salanyń mınıstrleri aýysty.
