Prezıdenttiń jańajyldyq quttyqtaýyn Astana men Almaty turǵyndary LED ekrandardan tyńdady
ASTANA. KAZINFORM - Memleket basshysy Qasym-Jomart Toqaevtyń Qazaqstan halqyn Jańa jyl merekesimen quttyqtaýy elorda men Almaty qalasynyń birneshe jerinde ornalasqan LED ekrandardan kórsetildi.
Elordada Prezıdenttiń jańajyldyq quttyqtaýy tórt jerde, ıaǵnı Qazaq eli alańynda, elorda ákimdiginiń aldynda, EKSPO qalashyǵy aýmaǵynda jáne «Astana-Arena» stadıony aldynda tikeleı taratyldy.
Al Almaty qalasynda Memleket basshysynyń quttyqtaýy «Astana» ortalyq alańynda, Almaty halyqaralyq áýejaıynda, Almaty-1 jáne Almaty-2 vokzalynda LED ekran arqyly kórsetildi.
Osylaısha, Prezıdenttiń jańajyldyq dástúrli quttyqtaý sózin bul joly qazaqstandyqtar úıdegi nemese jumys oryndaryndaǵy kógildir ekrandardan ǵana emes, ashyq aspan astynda turyp tyńdaý múmkindigine ıe boldy.
Sondaı-aq, Astana men Almaty qalasynda merekelik otshashý boldy. Elordada Botanıkalyq baqtaǵy otshashýdy tamashalaýǵa jınalǵan jurttyń qarasy kóp.
Aıta keteıik, bıyl Aqordada Ratovich pen Otyrar sazy elimizdiń Ánuranyn teńdesi joq tandemde oryndady.
Eske salsaq, ótken jyly jańa jyl merekesine oraı elimizdiń Ánuranyn Aqordada sımfonııalyq orkestrdiń súıemeldeýimen álemge áıgili Dımash Qudaıbergen oryndaǵan edi.
Sonymen qatar Memleket basshysy Qasym-Jomart Toqaevtyń Jańa jylmen quttyqtaýyn Jibek Joly telearnasy arqyly kórsetildi.
