Prezıdenttiń Úkimetti nelikten taratqanyn 7 aqpanda bile alamyz – Andreı Chebotarev

ASTANA. KAZINFORM – Qazaqstandyq saıasattanýshy Andreı Chebotarev Úkimettiń otstavkaǵa ketýin búgingi kútpegen oqıǵa dep atady. Saıasattanýshynyń pikirinshe, Prezıdenttiń osyndaı sheshim qabyldaýynyń negizgi sebepteri 7 aqpan, sársenbi kúni ótetin Úkimettiń keńeıtilgen otyrysynda aıtylady.

«Prezıdenttiń osyndaı sheshim qabyldaýynyń negizgi sebepteri Úkimettiń keńeıtilgen otyrysynda aıtylady. Prezıdent otstavkaǵa ketken Úkimettiń qyzmetindegi problemalar men kemshilikterge emes, onyń jańa quramyna júkteletin naqty mindetterge basa nazar aýdarýy múmkin», - dep atap ótti saıasattanýshy Andreı Chebotarev. 

Sondaı-aq, sarapshy 7 qańtarda Qazaqstan Prezıdenti Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótetinin, onyń barysynda eldiń ótken jylǵy áleýmettik-ekonomıkalyq damýynyń qorytyndysy shyǵarylatynyn jáne aldaǵy kezeńge arnalǵan negizgi mindetterdiń belgilenetinin eske saldy. 

A. Chebotarevtiń pikirinshe, Úkimet pen jekelegen mınıstrlikterdiń, sondaı-aq ózge de ortalyq memlekettik organdar men óńirlik ákimderdiń jumysyndaǵy belgili bir problemalar men kemshilikterge basa nazar aýdarylady. 

Sonyń ishinde bul Memleket basshysynyń tapsyrmalaryna qatysty bolýy múmkin, ıaǵnı olar tolyǵymen oryndalmaǵan nemese tıisti deńgeıde oryndalmaǵan. 

Sondaı-aq, saıasattanýshynyń aıtýynsha, Úkimet pen basqa da memlekettik organdardyń aldynda aýqymdy jumys tur.

 Al Memleket basshysynyń aldaǵy keńeıtilgen otyrysta sóılegen sózimen jumys eselene túsedi.