Prezıdenttiń ýádesi oryndaldy, biz baspanaly boldyq – Batys Qazaqstan oblysynyń turǵyny

ORAL. KAZINFORM – Batys Qazaqstan oblysynyń ákimi Narıman Tóreǵalıevtiń halyqpen kezdesýinde Oral qalasynyń turǵyny Qarlyǵa Jarmuhambetova Memleket basshysyna alǵysyn bildirdi. 

Qarlyǵashtyń otbasy kóktemgi sý tasqynynan zardap shekken. Olardyń úıine nópir sý kirip, keıin baspanalary turýǵa jaramsyz bolyp qalǵan. Biraq úıin sý basqan turǵyndardyń bári 31 tamyzda jańa baspanaǵa kóship, qýanyshqa keneldi. 

«Otbasymnyń atynan Prezıdentke alǵys aıtamyn. 31 tamyzda «Juldyz» shaǵyn aýdanynan baspana alyp, balalar da sol jerdegi mektepke qabyldandy. Memleket basshysynyń halyqqa bergen ýádesi oryndalyp, baspanasyz qalǵan turǵyndar úıli boldy», - dedi Qarlyǵa Jarmuhambetova. 

Aıta ketý kerek, Batys Qazaqstan oblysynda sý tasqynynan zardap shekkenderge 900 turǵyn úı salynǵan. Sondaı-aq bastapqy jáne qaıtalama naryqtan 2 myńnan astam páter satyp alyndy.