Prezıdenttiń tapsyrmasymen 5 jas ǵalym páterli boldy
ASTANA. KAZINFORM — Ál-Farabı atyndaǵy Qazaq ulttyq ýnıversıtetiniń 5 jas ǵalymyna QR Prezıdenti Qasym-Jomart Toqaevtyń atynan páter kilti tabys etildi.
Ǵylym jáne joǵary bilim mınıstrliginiń málimetinshe, QazUÝ-dyń 90 jyldyǵyna arnalǵan sharada jas zertteýshilerge páter sertıfıkatyn QR Memlekettik keńesshisi Erlan Qarın saltanatty túrde tabystady.
Jańa páterdiń ıesi atanǵan jas ǵalymnyń biri — Ál-Farabı atyndaǵy QazUÝ-dyń Molekýlalyq bıologııa jáne genetıka kafedrasynyń ǵylymı qyzmetkeri Áıgerim Qýanbaı boldy.
Sonymen qatar, Memleket basshysynyń tapsyrmasymen Ál-Farabı atyndaǵy Qazaq ulttyq ýnıversıtetiniń jas ǵalymy, ǵylymı-ınnovatsııalyq qyzmet jáne halyqaralyq baılanys kafedrasy meńgerýshisiniń orynbasary Nurgúl Amangeldi 2 bólmeli jańa páterdiń ıesi atandy. Búginde jas zertteýshi bıdaı daqyldarynyń potogentterin anyqtaý baǵytynda ǵylymı jumystarmen aınalysady.
Budan bólek, Ál-Farabı atyndaǵy Qazaq ulttyq ýnıversıtetiniń aǵa ǵylymı qyzmetkeri Ajar Málik jańa páterdiń ıesi atandy. Atalǵan baspana jas zertteýshige Memleket basshysynyń jas ǵalymdardy qoldaý tapsyrmasy aıasynda berildi.
Ál-Farabı atyndaǵy Qazaq ulttyq ýnıversıtetiniń aǵa oqytýshysy, jas ǵalym Oljas Qurmanbaevqa páter sertıfıkaty tabystaldy. QR Prezıdentiniń qoldaýymen jas ǵalymǵa berilgen sý jańa páter 3 bólmeden turady.
Al jas ǵalym, Ál-Farabı atyndaǵy Qazaq ulttyq ýnıversıtetiniń aǵa oqytýshysy Janar Raıymbekova baspanaly boldy. Qasym-Jomart Toqaevtyń tapsyrmasymen jas zertteýshige 2 bólmeli páterdiń kilti tabystaldy.
Eske salsaq, Táýelsizdik kúni qarsańynda 500-den asa túrkistandyq baspanaly bolǵanyn jazǵan edik.