Prezıdenttiń Reseıge memlekettik sapary barysynda 13 kelisimge qol qoıyldy
MÁSKEÝ. KAZINFORM — Memleketter basshylarynyń qatysýymen birqatar úkimetaralyq jáne vedomstvoaralyq qujattardy almasý rásimi ótti, dep habarlaıdy Aqordanyń baspasóz qyzmeti.
Sonymen Memleket basshysynyń memlekettik sapary aıasynda qabyldanǵan qujattardyń tizimi tómendegideı:
1. Qazaqstan Respýblıkasy Úkimeti men Reseı Federatsııasy Úkimeti arasyndaǵy ekonomıkalyq yntymaqtastyqtyń 2026-2030 jyldarǵa arnalǵan keshendi baǵdarlamasy;
2. Qazaqstan Respýblıkasy Úkimeti men Reseı Federatsııasy Úkimeti arasynda úshinshi elderge eksportqa jetkizýge arnalǵan reseılik jáne qazaqstandyq júkterdi temir jol kóligimen tranzıttik tasymaldaý jáne aýystyryp tıeý salasyndaǵy yntymaqtastyqty uıymdastyrý týraly kelisim;
3. Qazaqstan Respýblıkasy Úkimeti men Reseı Federatsııasy Úkimeti arasynda kólik qaýipsizdigin qamtamasyz etý salasy boıynsha ózara yqpaldastyq jónindegi kelisim;
4. Qazaqstan Respýblıkasy Úkimeti men Reseı Federatsııasy Úkimeti arasyndaǵy «Soıýz-5» jáne «Báıterek» ǵarysh zymyran keshenderine ushý synaǵyn júrgizý úshin Qazaqstan-Reseı memleketaralyq komıssııasyn qurý týraly kelisim;
5. Qazaqstan Respýblıkasy Úkimeti men Reseı Federatsııasy Úkimeti arasynda Aqtaý qalasynda Reseı Federatsııasynyń Bas konsýldyǵyn qurý týraly notalarmen almasý formasyndaǵy kelisim;
6. Qazaqstan Respýblıkasy Úkimeti men Reseı Federatsııasy Úkimeti arasynda halyqtyń sanıtarlyq-epıdemıologııalyq jaǵdaıyn qamtamasyz etý salasyndaǵy yntymaqtastyq týraly kelisim;
7. Qazaqstan Respýblıkasy Ónerkásip jáne qurylys mınıstrligi men Reseı Federatsııasy Ekonomıkalyq damý mınıstrligi arasynda erekshe ekonomıkalyq aımaqtardy damytý máseleleri boıynsha ózara túsinistik týraly memorandým;
8. Qazaqstan Respýblıkasy Oqý-aǵartý mınıstrligi men Reseı Federatsııasy Oqý-aǵartý mınıstrligi arasynda Qazaqstan Respýblıkasynda qazaq-orys jalpy bilim berý uıymdaryn ashý jáne Reseı Federatsııasynda orys-qazaq jalpy bilim berý uıymdaryn ashý boıynsha nıettestik týraly memorandým;
9. Qazaqstan Respýblıkasy Ekologııa jáne tabıǵı resýrstar mınıstrligi men Reseı Federatsııasy Tabıǵı resýrstar jáne ekologııa mınıstrligi arasynda Qazaqstan Respýblıkasyna Reseı Federatsııasynan Amýr jolbarystaryn ákelýge ázirlik jáne jetkizilgen janýarlardyń bastapqy beıimdeýden ótýi boıynsha birlesken is-sharalar jospary;
10. Qazaqstan Respýblıkasy Atom energııasy jónindegi agenttigi men Reseı Federatsııasy Ekologııalyq, tehnologııalyq jáne atomdyq baqylaý jónindegi federaldyq qyzmeti arasynda atom energııasyn beıbit maqsatta paıdalanýda ıadrolyq jáne radıatsııalyq qaýipsizdikti retteý salasy boıynsha yntymaqtastyq jónindegi ózara túsinistik týraly memorandým;
11. Qazaqstan Respýblıkasy Kólik mınıstrligi men Reseı Federatsııasy Kólik mınıstrligi arasynda Qazaqstan-Reseı memlekettik shekarasyndaǵy avtokólik ótkizý beketterin damytý jónindegi is-sharalar jospary;
12. «QTJ» UK» AQ men «RTJ» AAQ arasyndaǵy 2030 jylǵa deıingi memleketaralyq túıisý pýnktterin damytý týraly kelisim;
13. «Qazposhta» AQ men «Reseı poshtasy» AQ arasyndaǵy yntymaqtastyq týraly memorandým.
Budan buryn Qasym-Jomart Toqaev pen Vladımır Pýtın kelissózder qorytyndysy boıynsha Qazaqstan Respýblıkasy men Reseı Federatsııasynyń memleketaralyq qarym-qatynasyn jan-jaqty strategııalyq seriktestik jáne odaqtastyq deńgeıine deıin jetkizý jónindegi deklaratsııaǵa qol qoıdy.
Sonymen qatar Memleket basshysy Qazaqstan men Reseı arasynda qol qoıylǵan deklaratsııa jóninde pikir bildirdi.
