Prezıdenttiń otstavkaǵa ketýin talap etpek: Koreıada jalpyulttyq mıtıngiler ótedi
ASTANA. KAZINFORM – Mıtıngiler ótetin kún Ulttyq assambleıada ıÝn Sok Elǵa qarsy ekinshi ımpıchment usynysy boıynsha josparlanǵan daýys berýmen tuspa-tus keldi, dep habarlaıdy Kazinform Yonhap aqparat agenttigine silteme jasap.
Narazylyq sherýlerin iri qalalarda ótkizý josparlanǵan, onda sherýshiler prezıdenttiń dereý otstavkaǵa ketýin talap etip, bıleýshi Halyqtyq bılik partııasynyń (HPP) zań shyǵarýshylaryn ımpıchment týraly usynysty qoldaýǵa shaqyrady.
Juma kúngi jaǵdaı boıynsha bıleýshi partııanyń jeti zań shyǵarýshysy ıÝn Sok Elǵa ımpıchment jarııalaýdy qoldaıtyndaryn ashyq bildirdi. Impıchment týraly usynysty qabyldaý úshin kópshiliktiń úshten eki daýysy jáne bıleýshi partııanyń keminde segiz zań shyǵarýshynyń qoldaýy qajet.
Seýlde azamattar keshe Evıdodaǵy Ulttyq assambleıanyń janyna jergilikti ýaqyt boıynsha saǵat 15:00-de (Astana ýaqytymen 11:00) ótýi tıis azamattyq toptar uıymdastyrǵan jappaı shyraq sherýi úshin jınala bastaǵan bolatyn.
Kvandjýda 145 azamattyq toptan turatyn koalıtsııa qala ortalyǵynda sherý ótkizip, odan keıin sherýshiler Kymnam kóshesimen ótedi. Uıymdastyrýshylardyń aıtýynsha, sherýge myńdaǵan adam 1980 jylǵy 18 mamyrdaǵy Ońtústik Koreıadaǵy demokratııalyq qozǵalysyndaǵy mańyzdy oqıǵa - Kvandjý kóterilisi tarıhı baǵyty boıynsha ótedi dep kútilip otyr.
Sherýler sondaı-aq dástúrli konservatıvti bekinisterde, sonyń ishinde Pýsan, Tegý jáne Ońtústik jáne Soltústik Kensan provıntsııalarynda josparlanǵan. Pýsanda mıtıngiler Somen aýdanynda ótedi. Onda qatysýshylar sherýge shyǵyp, sodan keıin ımpıchment daýys berýin tikeleı efırde kórý úshin jınalady.
Tegý qalasynda oppozıtsııalyq partııalar men azamattyq toptar myńdaǵan adamdy jınaıtyn ortalyq Tonson kóshesinde bólek sherýler ótkizedi. Narazylyq bildirýshiler prezıdent basshylyǵyna kóńilderi tolmaıtynyn bildirip, halyqtyń narazylyǵy kúsheıgen jaǵdaıda onyń otstavkaǵa ketýin talap etedi dep kútilip otyr.
Kanvondo provıntsııasynda jeti qala men okrýgte, sonyń ishinde ıÝn Sok Eldyń anasy jaǵynan týǵan jeri Kannynda turǵyndar onyń qyzmetinen ketýin talap etý úshin jergilikti kórnekti jerge jınalady. Chedjý, Inchhon, Tedjon jáne Soltústik jáne Ońtústik Chhýnchhon provıntsııalarynda jalpyulttyq narazylyq aýqymyn kórsetetin qosymsha mıtıngiler ótedi.
Buǵan deıin Ońtústik Koreıanyń Ulttyq assambleıasy ótken aptada áskerı jaǵdaı engizý áreketine qatysty ıÝn Sok El men jeti sheneýnikti tez arada qamaýǵa alýdy talap etetin qarar qabyldady.
Sondaı-aq Ońtústik Koreıa parlamenti prezıdent ıÝn Sok Elǵa qatysty aıyptaýlardy tekserý úshin arnaıy prokýror taǵaıyndaý týraly zań jobasyn qabyldady.
Odan bólek Ońtústik Koreıa prezıdentine saparǵa shyǵýǵa tyıym salyndy. Elden shyǵýǵa tyıym salý ıÝn Sok El jarııalaǵan áskerı jaǵdaıǵa baılanysty tergeý amaldary úshin qajet boldy.
Eske sala ketsek, Ońtústik Koreıanyń prokýratýrasy prezıdentke qarsy memleketke opasyzdyq jasady degen aıyp taǵyp otyr. Ońtústik Koreıanyń burynǵy qorǵanys mınıstri de memleketke opasyzdyq jasady degen aıyppen qamaýǵa alyndy.
Sonymen qatar Ulttyq jınalys plenarlyq otyrysta Prezıdentke ımpıchment jarııalaý týraly usynysqa daýys saldy. Bıliktegi «Halyqtyq bılik» partııasynyń (HBP) úsh zań shyǵarýshysynan basqasy ımpıchment týraly usynysqa daýys berýge boıkot jarııalady.
Burynǵy qorǵanys mınıstri Kım En Hen prezıdent ıÝn Sok Elǵa ótken aptada áskerı jaǵdaı engizý arqyly búlik shyǵarýǵa kómektesti degen aıyppen cársenbide resmı túrde qamaýǵa alyndy.