Prezıdenttiń quttyqtaýy el boıynsha 50-ge jýyq LED-ekranda kórsetildi
ASTANA. KAZINFORM — Jańa jyl túninde Qazaqstan Respýblıkasynyń Prezıdenti Qasym-Jomart Toqaevtyń quttyqtaýy elimizdiń barlyq aımaǵyndaǵy qoǵamdyq oryndarda ornatylǵan LED-ekrandarda kórsetildi. Bul halyqqa teleekrannan ǵana emes, adamdar kóp jınalatyn oryndarda da quttyqtaýdy kórýge jáne tyńdaýǵa múmkindik berdi, dep habarlaıdy Kazinform agenttiginiń tilshisi.
Qazaqstan Respýblıkasynyń Prezıdenti Qasym-Jomart Toqaevtyń dástúrli jańa jyldyq quttyqtaýy elimizdiń barlyq aýmaǵynda qoǵamdyq oryndarda ornatylǵan LED-ekrandarda kórsetildi - ortalyq alańdarda, skverlerde jáne saıabaqtarda, tarıhı-mádenı nysandardyń janynda, sondaı-aq áýejaılar men temirjol vokzaldarynda.
Budan bólek, alǵash ret quttyqtaý Jibek joly radıosynyń efırinde translıatsııalandy. Sondaı-aq, beınetranslıatsııa Jibek joly telearnasynda da kórsetildi.
Jalpy translıatsııa úshin 50-ge LED-ekran paıdalanyldy. Olardyń bir bóligi iri qalalardaǵy ortalyqtarda, qalǵandary aýdandyq mańyzy bar eldi mekenderde ornatylǵan. Barlyq ekran Full HD formatynda jumys istep, beıne men dybystyń joǵary sapasyn qamtamasyz etti.
Keı qoǵamdyq orynda kórsetilim jańa jyldyq is-sharalarmen súıemeldenip, merekelik atmosfera men Memleket basshysynyń resmı úndeýin birtutas formatqa biriktirdi.
Jańa jyldyq quttyqtaýdy tún ortasynda kóre almaǵandar úshin keıbir óńirlerde jańa jyldyń alǵashqy kúninde, saǵat 12:00 men 17:00-de ashyq aspan aıasynda qaıtalap kórsetý uıymdastyryldy.
Jibek joly telearnasynyń kórermenderge arnalǵan jańa jyldyq syılyǵynyń biri — Qazaqstan Respýblıkasynyń eńbek sińirgen qaıratkeri, satıra akteri Tursynbek Qabatovtyń jeke shyǵarmashylyq kontserti boldy. Kontsert 31 jeltoqsan kúni saǵat 21:30-da efırge shyqty. Baǵdarlama túrli býyn ókilderin biriktirip, kórermenderdi Jańa jylmen quttyqtady. Sonymen qatar, baǵdarlamada ádettegideı qoǵamdaǵy oqıǵalar, adamdardyń minez-qulqy men ál-aýqaty názik ári ázilmen jetkizilip, kórermenderge kúlki men kóterińki kóńil-kúı syılady. Kontsert otandyq estrada juldyzdarynyń qatysýymen ótti.
Buǵan deıin ibek Joly arnasyndaǵy jańa jyldyq telepremeralar týraly jazǵan edik.