Prezıdenttiń Qyrǵyz Respýblıkasyna resmı sapary aıaqtaldy
ASTANA. KAZINFORM — Halyqaralyq Manas áýejaıynan Memleket basshysy Qasym-Jomart Toqaevty Qyrǵyzstan prezıdenti Sadyr Japarov qurmetpen shyǵaryp saldy, dep habarlaıdy Aqordanyń baspasóz qyzmeti.
Búgin Qasym-Jomart Toqaev pen Sadyr Japarov Qazaqstan men Qyrǵyzstan Joǵary memleketaralyq keńesiniń otyrysyna qatysty.
Keıinnen Qazaqstan men Qyrǵyzstan memleketteri basshylarynyń Birlesken málimdemesi qabyldandy.
Prezıdent Sadyr Japarovty «Altyn Qyran» ordenimen marapattady.
Sonymen qatar Qasym-Jomart Toqaev pen Sadyr Japarov baspasóz brıfıngin ótkizdi.
Eki el basshysy jahandyq jáne aımaqtyq máseleler týraly pikir almasty.
Toqaev aımaqtardyń yqpaldastyǵyn jandandyrýdy ózekti máseleniń biri retinde atady.
Budan bólek Qasym-Jomart Toqaev Qyrǵyzstannyń birqatar memleket jáne qoǵam qaıratkerin marapattady.
Sondaı-aq Toqaev pen Japarov «Dostyqtyń altyn kópiri» eskertkishiniń ashylý rásimine qatysty.
Memleket basshysy Kemel Toqaev atyndaǵy № 33 mektep-gımnazııaǵa bardy.