BUU Bas assambleıasynyń 80-sessııasy: Jibek Joly Prezıdenttiń sóz sóıleýin onlaın kórsetedi

ASTANA. KAZINFORM — Búgin Memleket basshysy Qasym-Jomart Toqaev BUU Bas Assambleıasynyń 80-shi sessııasy aıasyndaǵy Jalpy debatta sóz sóıleıdi. Bul týraly Aqorda málim etti. 

Prezıdent Qasym-Jomart Toqaevtyń sóz sóıleýi Jibek Joly arnasynan tikeleı efırde kórsetiledi.

Sondaı-aq Memleket basshysynyń sózin Aqordanyń áleýmettik jelilerdegi paraqshalarynan jáne 24kz telearnasynan Astana ýaqytymen saǵat 21:30 shamasynda kórýge bolady. 

Buǵan deıin habarlaǵanymyzdaı, búgin Memleket basshysy BUU Bas Assambleıasynyń mereıtoılyq 80-sessııasynyń Jalpy debattyń ashylýyna qatysady.

Aıta keteıik, Prezıdent Qasym-Jomart Toqaev TMD elderi basshylarynyń ishinde birinshi bolyp sóz sóıleıdi. Barlyǵy 97 memleket basshysy qatysady.