Astanada kanıkýl kezinde balalardyń qaýipsizdigin qamtamasyz etý sharalary kúsheıtiledi
ASTANA. KAZINFORM — Astana ákimdigi janyndaǵy Kámeletke tolmaǵandardyń isteri jáne olardyń quqyqtaryn qorǵaý jónindegi komıssııa otyrysynda jazǵy kanıkýl kezeńinde balalardyń qaýipsizdigi, qaıǵyly jaǵdaılardyń aldyn alý jáne mektep oqýshylarynyń demalysyn uıymdastyrý máseleleri talqylandy.
Jıyn Astana ákiminiń orynbasary Eset Baıkenniń tóraǵalyǵymen ótti.ndary mańyndaǵy qaýipsizdigi máselelerine erekshe kóńil bólinip otyr.
Qala ákiminiń tapsyrmasy boıynsha 2025 jyly Astana sý aıdyndaryndaǵy qaýipsizdik júıesi kúsheıtildi, endi beınebaqylaý kameralary resmı de, ruqsat etilmegen jaǵajaılarǵa da ornatyldy.
Búgingi tańda jabdyqtardy ornatý jumysy aıaqtalyp, kameralar biryńǵaı vıdeomonıtorıng platformasyna qosylady.
Nátıjesinde, resmı jáne ruqsat etilmegen jaǵajaılardy qosa alǵanda, qalanyń 42 nysany 175 beınebaqylaý kamerasymen qamtyldy.
Negizgi baǵyttardyń biri – bilim berý uıymdaryndaǵy qaýipsizdik júıesin kúsheıtý. Astana qalasynyń tsıfrlandyrý jáne memlekettik qyzmet basqarmasy basshysynyń orynbasary Beksultan Qýandyqtyń aıtýynsha, 2025 jyly qalanyń 122 mektebinde 1940 beınebaqylaý kamerasy ornatylyp, 834 kameraǵa vıdeosaraptama júıesi engizilgen.
Jobanyń ekinshi kezeńinde bıyl taǵy 1940 kamera men 100 dabyl túımesin ornatý, sondaı-aq 1668 kameraǵa vıdeosaraptama engizý josparlanyp otyr. 2027 jyly mektepterde qosymsha taǵy 100 dabyl túımesi ornatylyp, vıdeosaraptama júıesi 2500 kamerany qamtıdy.
Osylaısha, jobany iske asyrý qorytyndysy boıynsha elordanyń memlekettik mektepterinde Astana qalalyq Polıtsııa departamentiniń Jedel basqarý ortalyǵyna (JBO) jalǵanǵan 5820 jańa jáne 6960 qoldanystaǵy beınebaqylaý kamerasy jumys isteıtin bolady.
Otyrystyń taǵy bir bóligi jaz mezgilinde balalardyń jaraqat alyp qalý máselesine arnaldy. Elordalyq TJD Azamattyq qorǵanys basqarmasy bastyǵynyń orynbasary Danııar Tájibaevtyń habarlaýynsha, jyl basynan beri «112» pýltine balalardyń terezeden qulaýy týraly alty habarlama túsken. Spıkerdiń aıtýynsha, buǵan basty sebep – balalardyń ata-ana nazarynan tys qalýy.
Jaz mezgilinde balalardyń sýdaǵy qaýipsizdigine de erekshe nazar aýdarylady. TJD málimetinshe, qaıǵyly jaǵdaılardyń negizgi sebebi – arnaıy jabdyqtalmaǵan oryndarda shomylý jáne úlkenderdiń nazarynan tys qalýy.
Otyrysta kámeletke tolmaǵandarǵa psıhologııalyq qoldaý kórsetý máseleleri de talqylandy. Ákimdiktiń Psıhologııalyq qoldaý ortalyǵynyń jetekshisi Gúlmıra Qapanova men Qalalyq psıhıkalyq densaýlyq ortalyǵy dırektorynyń orynbasary Elena Polıenko jasóspirimderdiń daǵdarystyq jaǵdaılarynyń aldyn alýǵa jáne olarǵa ýaqytyly psıhologııalyq kómek kórsetýge baǵyttalǵan «Jasyl dáliz» jobasynyń engizilýi týraly aıtyp berdi.
Sonymen qatar, otyrysqa qatysýshylar mektep oqýshylarynyń jazǵy demalysyn uıymdastyrý máselesin qarastyrdy. Bilim basqarmasy basshysynyń orynbasary Marjangúl Qaıyrbaevanyń aqparaty boıynsha, elordada vedomstvoaralyq shtab qurylyp, ol mektep janyndaǵy lagerlerdiń daıyndyǵyn tekserýdi bastap ketken.
Bıyl jazǵy demalysqa jáne bos ýaqytyn tıimdi ótkizý úshin mektep oqýshylarynyń 98 paıyzyn, ıaǵnı 1-10 synyp aralyǵyndaǵy 242 myńnan astam balany qabyldaý josparlanyp otyr. Olardyń ishinde áleýmettik osal sanattaǵy 11 myńǵa jýyq bala bar.
Otyrysty qorytyndylaı kele, Eset Baıken balalardyń qaýipsizdigin qamtamasyz etý, ásirese jazǵy kanıkýl kezeńinde quqyǵyn qorǵaý Qazaqstannyń memlekettik saıasatynyń buljymas basymdyǵy bolyp qala beretinin atap ótti.
