Prezıdenttiń Antalııadaǵy forýmǵa qatysýy halyqaralyq BAQ pen meımandardyń qyzyǵýshylyǵyn týdyrdy
ASTANA. KAZINFORM — Qazaqstan Prezıdenti Qasym-Jomart Toqaevtyń V Antalııa dıplomatııalyq forýmyna qatysýy halyqaralyq baspasóz ókilderi men meımandardyń qyzyǵýshylyǵyn týdyrdy, dep habarlaıdy BORT N1 Telegram-arnasy.
Qazir Memleket basshysy paneldik pikirtalasqa qatysyp, saýaldarǵa jaýap berip jatyr.
Atalǵan is-sharaǵa BAQ pen saıasatkerler, dıplomattar jiti nazar aýdaryp otyr.
Osyǵan deıin Memleket basshysy Qasym-Jomart Toqaev Antalııa dıplomatııalyq forýmynyń paneldik sessııasyna qatysý úshin NEST kongress ortalyǵyna barǵanyn jazǵanbyz.
«Mapping Tomorrow, Managing Uncertainties» taqyrybyna arnalǵan kóshbasshylar pikirtalasyna Soltústik Makedonııa Prezıdenti Gordana Sılıanovska-Davkova jáne Grýzııa Premer-mınıstri Iraklıı Kobahıdze qatysatyny belgili.
Al moderatory — Túrkııa Uly Ulttyq jınalysynyń múshesi, burynǵy syrtqy ister mınıstri Mevlıýt Chavýshoǵlý.
Osyǵan deıin Kazinform agenttiginiń analıtıkalyq sholýshysy Antalııadaǵy basqosýdyń basty maqsatyn saralap kórdi.
