Prezıdenttik jastar kadrlyq rezervinen qyzmetke ornalasqan 10 túlek
ASTANA. KAZINFORM – QR Prezıdenti jastar kadrlyq rezerviniń bedeldi tiziminen oryn alǵannan keıin jastardyń mansabynda qarqyndy ósý múmkindigi bar. Kazinform agenttiginiń tilshisi elimizdiń memlekettik organdary men kvazımemlekettik sektoryndaǵy laýazymdarǵa taǵaıyndalǵan Prezıdenttik jastar kadrlyq rezervi ókilderiniń toptamasyn jasady.
Qazaqstan Respýblıkasy Memlekettik qyzmet isteri agenttiginiń aqparatynsha, 2023 jylǵy Prezıdenttik jastar kadrlyq rezerviniń ókilderi birqatar laýazymǵa taǵaıyndaldy.
Osylaısha, Qýanysh Berdihan Qazaqstan Respýblıkasy Prezıdenti Ákimshiliginiń Memlekettik qyzmet bóliminiń konsýltanty bolyp taǵaıyndaldy. Ol buǵan deıin Túrkistan oblysy ákimi apparatynyń jıyntyq-taldaý jáne jalpy monıtorıng bóliminiń meńgerýshisi qyzmetin atqarǵan.
Taǵy bir rezervshi Nurjan Baımýrzın Qazaqstan Respýblıkasy Qarjy naryǵyn retteý jáne damytý agenttiginiń baǵaly qaǵazdar naryǵy departamenti basshysynyń orynbasary bolyp taǵaıyndaldy. Bul qyzmetke taǵaıyndalǵanǵa deıin ol atalǵan departamenttiń Zań bóliminde bas maman bolyp jumys atqarǵan.
Jánibek Erýbaev Qazaqstan Respýblıkasy Prezıdenti Ákimshiligi Qaýipsizdik keńesi janyndaǵy ahýal ortalyǵynyń konsýltanty qyzmetine taǵaıyndaldy. Buǵan deıin ol «Qoǵamdyq densaýlyq saqtaý ulttyq ortalyǵy» RMK Qoǵamdyq densaýlyq saqtaý salasyndaǵy Tótenshe jaǵdaılar jónindegi jedel ortalyǵynyń dırektory qyzmetin atqarǵan.
Manat Mutan Kólik mınıstrliginiń «Qazaeronavıgatsııa» RMK Jedel josparlaý jáne áýe qozǵalysyn basqarý departamenti bastyǵynyń orynbasary qyzmetine taǵaıyndaldy. Buǵan deıin atalǵan kásiporynnyń dıspetcheri qyzmetin atqarǵan.
Shyńǵys Seıdalıev «QMG Qashaǵan B.V.» jaýapkershiligi shekteýli jeke kompanııasy fılıalynyń bas býhgalteri bolyp taǵaıyndaldy.
Keshe Qazaqstan Respýblıkasynyń Eńbek jáne halyqty áleýmettik qorǵaý mınıstri Svetlana Jaqypova vedomstvo ujymyna «Memlekettik áleýmettik saqtandyrý qory» AQ-nyń jańa bas dırektory Aıbol Arǵynǵazınovty tanystyrdy. Ol 2022 jyldan bastap Qazaqstan Respýblıkasy Qarjy mınıstrliginiń Bıýdjettik kredıtteý, Qazaqstan Respýblıkasy Ulttyq qory jáne qarjy sektory máseleleri jónindegi ózara is-qımyl departamentiniń dırektory qyzmetin atqardy.
2023 jyldyń sońynda Jannat Dýbırova QR Indýstrııa jáne qurylys vıtse-mınıstri bolyp taǵaıyndaldy. Ol 2022 jyldan bastap QR Strategııalyq josparlaý jáne reformalar agenttigi Ulttyq statıstıka bıýrosy basshysynyń orynbasary qyzmetin atqardy.
Rezervıst Nurbol Jańabekov 2023 jyldyń tamyzynda UEM Kásipkerlikti memlekettik qoldaý jáne qorǵaý departamentin basqardy. Ol 2022 jyldyń maýsym aıynan bastap Atyraý oblysynyń kásipkerlik jáne týrızm basqarmasynyń basshysy qyzmetin atqardy.
Elına Paýlı 2023 jyldyń basynda QR Bilim jáne ǵylym mınıstrliginiń «Qoǵamdyq kelisim» RMM dırektory bolyp taǵaıyndaldy. Ol buǵan deıin QR Bilim mınıstrligi Balalardyń quqyqtaryn qorǵaý komıteti tóraǵasynyń orynbasary qyzmetin atqarǵan.
Rezervıst ıÝlııa Ovechkına birneshe jyldan beri QR Parlamenti Májilisiniń Balalardyń quqyqtaryn qorǵaý komıteti tóraǵasynyń orynbasary qyzmetin atqaryp, balalardy áleýmettik qoldaý bólimine jetekshilik etip júr.
Oblystardyń, respýblıkalyq mańyzy bar qalalardyń jáne astananyń óńirlik kadrlyq rezervine irikteý 1 naýryzdan bastalady. Іrikteýge 35 jastan asqan, joǵary bilimi bar, keminde 3 jyl eńbek ótili bar elimizdiń azamattary qatysa alady.
