Prezıdenttik jastar kadr rezervi kadrlardy irikteý júıesinde básekelestikke jol ashady - Ermek Toqtarov
Bıyl Prezıdenttik jastar kadr rezervine úshinshi ret irikteý ótkizilýde. 30 qyrkúıekte qatysýǵa qujattardy qabyldaý aıaqtaldy, dephabarlaıdy QazAqparat.
Ótinimderdi qabyldaýǵa berilgen bir aıda jobanyń pkrezerv.gov.kz resmı saıtynda 30 myńnan astam adam tirkelip, onyń ishinde 6 404 qatysýshy «Mátindik aqparatpen jumys isteý qabiletin baǵalaý» testileýine jiberildi.
QR Prezıdentiniń janyndaǵy Qazaqstan strategııalyq zertteýler ınstıtýtynyń strategııalyq taldaý bóliminiń basshysy Ermek Toqtarov Prezıdenttik jastar kadr rezervi jobasynyń ereksheligin atap kórsetti.
"Prezıdenttik jastar kadr rezerviniń ereksheligi, onyń az ýaqyt ishinde daryndy jas mamandardy memlekettik menedjmentke tartýǵa arnalǵan qýatty áleýetinde jatyr. PJKR-ge múshelik «áleýmettik lıft» bolyp tabylady, sebebi ol bos laýazymǵa konkýrsqa qatysý úshin belgili bir laýazymdarda jumys tájirıbesine qoıylatyn talapty eńserýge múmkindik beredi. Biraq PJKR-ge túser aldynda úmitkerler testileý men áńgimelesýdi qosa alǵanda, birneshe irikteý kezeńinen ótetinin eskerýimiz kerek. PJKR mindeti – qandaı da bir talaptardy aınalyp ótý emes, memlekettik qyzmet júıesinde jumys istemeıtin daryndy jas azamattarǵa óz jobalarymen, kózqarastarymen belgili bir salaǵa kelip, ınnovatsııalyq sheshimderdi júzege asyrýǵa múmkindik berý", - dedi Ermek Toqtarov.
Sondaı-aq, sarapshy Prezıdenttik jastar kadr rezerviniń birinshi jáne ekinshi irikteýinen ótip, rezervte turǵan mamandardan qazirdiń ózinde jańa býyn menedjerleri qalyptasqanyn atap ótti.
"Rezerv memlekettik qyzmetshi laýazymdaryna neǵurlym daıyn úmitkerlerdi tańdaýǵa múmkindik berip qana qoımaıdy. Ol memlekettik basqarý salalaryna kadrlardy irikteý júıesinde básekelestikke jol ashady. Bul jerde rezerv músheleri istep turǵan memlekettik organnyń jumysyna tartylyp, óz kózqarasyn ákelip, basqarýshylyq ınnovatsııalardy usyna alady.
Negizgi suraq memlekettik menedjerlerdiń jańa býynyn qalyptastyrýda ǵana emes, sonymen qatar memlekettik basqarý júıesiniń búkil adamı kapıtalyn jetildirý týraly bolyp otyr. Memlekettik qyzmetshiler korpýsynyń damyp, jańa sapalyq deńgeıge kóterilýi óte mańyzdy. Qazirgi tańda rezervtiń úshinshi tolqynyna irikteý júrip jatyr. ıAǵnı, birinshi jáne ekinshi tolqynnan rezervte turǵandarmen birge qazirdiń ózinde jańa býyn menedjerleriniń kóp bóligi qalyptasty", - dedi Qazaqstan strategııalyq zertteýler ınstıtýtynyń strategııalyq taldaý bóliminiń basshysy.
