Prezıdent Teleradıokeshenine 28 jyl toldy
ASTANA. KAZINFORM — 1996 jyly 29 jeltoqsanda Qazaqstan Respýblıkasy Prezıdentiniń Teleradıokesheni quryldy.
Prezıdent Teleradıokesheni – Qazaqstandaǵy eń iri medıa-kompanııalardyń biri, onyń quramyna: Jibek Joly, Silk Way, Silk Way Cinema telearnalary, Qazaqstandaǵy eń úlken Kazinform halyqaralyq aqparat agenttigi jáne Derekti fılmder ortalyǵy kiredi.
Teleradıokesheni ujymy jumysynyń alǵashqy kúninen bastap Memleket basshysynyń qyzmetin aýqymdy aqparattyq qamtamasyz etý, reformalardyń júzege asyrylý barysy, Prezıdenttiń bastamalary men tapsyrmalary týraly qoǵamdyq-saıası kontent daıyndaýǵa kiristi.
Memleket basshysynyń qyzmetine qatysty aqparatty jalǵyz jetkizýshi bola otyryp, PTRK óz ónimderiniń jelisin únemi keńeıtip otyrady. Olardyń qatarynda derekti fılmder, qysqametrajdy fılmder, beınerolıkter, sondaı-aq qoǵamdyq-saıası mańyzy bar baǵdarlamalar bar.
Máselen, Memleket basshysynyń óńirlerdi qalpyna keltirý jáne bıylǵy kóktemde bolǵan aýqymdy sý tasqynynan zardap shekken turǵyndarǵa keltirilgen shyǵynnyń ornyn toltyrý jónindegi tapsyrmasynyń oryndalý barysy týraly «Sert» derekti fılmi túsirildi. Fılmdi Qazaqstan Respýblıkasy Prezıdentiniń Teleradıo kesheniniń YouTube-kanalynan kórýge bolady.
Sonymen qatar, qyrkúıek aıynda TRK mobıldi formatta túsirilgen Qazaqstandaǵy tuńǵysh derekti fılm – «Palýan qyz: Zarına Sarıpovanyń jeńis joly» fılminiń tusaýkeseri boldy.
TRK - Táýelsizdigimizdiń damý tarıhynyń shejiresi – biregeı beınemuraǵattyń avtorlyq quqyq ıesi.
Sońǵy birneshe jylda teleradıokesheni qazaqstandyq jáne sheteldik aýdıtorııaǵa kontentti óndirý men jetkizýdiń tolyq tsıkli bar tiginen biriktirilgen teleradıo kompanııaǵa aınaldy.
Sonymen qatar, PTRK ozyq halyqaralyq tájirıbeni paıdalana otyryp, transformatsııa baǵdarlamasyna yqsham redaktsııa negizinde konvergentti jýrnalıstıka qaǵıdattaryn engizý jobasyn engizdi, munda jýrnalıster redaktorlar, mobılograftar jáne beıneredaktorlar daǵdylaryna ıe kóp tapsyrmaly kásipqoıǵa aınalady.